【本報消息】靚蝦女馬主劉津津善心滿瀉
因受疫情影響，令全城瘋狂搶購糧食。由於蔬菜價格飆升，很多低收入家庭未必有能力負擔到昂貴開支。有見及此，一向慈行善舉的「靚蝦女」馬主劉津津小姐（圖右一）帶頭發起行動，出錢出力，捐贈大批蔬菜給有需要人士。被問到為何會有此行動，劉津津小姐表示：「蔬菜與生活息息相關，能為人體帶來豐富營養，疫情當下，健康可其重要，眼見低收入家庭要負擔昂貴菜價，實於心不忍，故希望略盡綿力，幫助有需要人士共度時艱。」但即使盡心盡力，由於蔬菜產量短缺，採購過程並不容易，但行動刻不容緩，故劉津津小姐親自帶頭聯絡相關機構，務求令有需要人民得到幫助。盼各界善長人翁，見到相關報道，同能出一分善舉，與香港全城巿民一起共度難關。提起「靚蝦女」馬主劉津津，其父馬主劉錫康（圖右二）與李天澤醫生有匹新貴「蝦李波特」到場，所以之前十一戰不入三甲的同系馬「阿李蝦蝦」，日前已安排退役，但此匹五歲香港拍賣會馬，當日兩位馬主係以高達五百萬購入，現時零獎金出局都咪話唔傷。
月底將舉行嘅杜拜世界盃終極戰，近年積極擴闊海外版圖嘅日本兵團又點會錯過，早前獲邀名單之中已有唔少馬匹答應會出戰，最近又有兩場賽事將會新加入出戰名單之內，分別係一級賽阿喬斯短途錦標，同埋三千二百米嘅二級賽杜拜金盃。上述兩項賽事，都係日本兵團較少參與嘅場合，當中阿喬斯短途錦標，係自一七年由一千米增程千二米以來，首次有日本賽駒出戰，今屆應邀出席呢項盛事，就係剛剛喺沙特出戰一三五一米草地短途錦標，跑獲第四名嘅「禮讚歌詠」；另一項杜拜金盃，曾於鑽石錦標得第五之Veloce d'Oro，就會落實出戰，而今次亦係一二年自Makani Bisty無功而還後，相隔十年再有日本賽駒參戰。今屆杜拜世界盃之夜，日本東瀛兵團於七場分級賽有馬出戰，當中全數五場一級賽皆有糊叫，另兩項為二級賽，除杜拜金盃之外，尚有由武豊胞弟武幸四郎訓練之Sekifu，到時將會出戰阿聯酋打吡。
考菲爾德盃盟主「鼓動」近日股權出現變動，原本為此駒育馬者及練馬師，並擁有最多股份之Steve Tregea，其名字已經從「鼓動」馬主名單內剔除，手頭上所有股權已由一眾合夥馬主吸納攤分，現時最大股權馬主為Ozzie Kheir。Ozzie Kheir透露Steve Tregea放棄股權純粹係個人決定，但後者與練馬師莫德出現意見分歧，卻係公開秘密，「鼓動」於墨爾本盃跑第二後受傷，Steve Tregea其後對於莫德處理馬匹手法，並唔滿意，因此決定運返其昆士蘭牧場，讓馬匹養傷之餘，單方面宣布此駒不再與莫德合作。不過如今股權有變，Ozzie Kheir則傾向支持莫德，而馬匹腳傷報告將於下星期有定案，當然期望馬匹可繼續競賽生涯，若情況許可，就會盡快運返莫德位於墨爾本之訓練基地接受照顧，假如進展並非太樂觀，將留在昆士蘭繼續休養。
早前日本中央競馬場有三位女騎師，當中以藤田菜七子人氣最高，她亦不負眾望爭取到好成績，所以得到好多練馬師的支持。不過在剛過去嘅周末，日本中央競馬場就多咗一位新晉女騎師，就係年僅十八歲嘅今村聖奈。呢位小妮子喺出賽前接受前日本中央競馬場官方訪問，提及到自己今年目標，都係話希望可以努力策騎，盡快贏得頭馬，以冷靜態度出賽。
今村聖奈喺剛周六、剛周日喺阪神競馬場出賽，兩日合共策騎十駒出戰，當中分別有1季2殿成績，總算表現唔錯。完成兩日賽事後，今村聖奈喺社交平台表示感謝各方面支持，唔少馬迷都有影低佢策馬出賽嘅相片，仲喺社交平台傳番俾今村聖奈睇，得到咁多馬迷支持，相信今村聖奈會加倍努力。
日本嘅重量級練馬師藤澤和雄，剛於2月底由於年滿70歲關係，按照JRA嘅指引，必需硬性退休，不過日本中央競馬會已委任其成為官方顧問。藤澤和雄被譽為當代最成功練馬師之一，自1993年至2009年期間，曾經平紀錄十二度榮膺冠軍練馬師，從練至今勝出1570場頭馬，以其行內豐富閱歷，退居幕後繼續推動日本賽馬事業，肯定係最勝任人選。
