故意着低胸衫開枱 陳彥行不敵家燕姐
香港文匯報訊（記者 梁靜儀）由薛家燕主持的《麻雀鬥室三決一》前晚（21日）播出第9集，大玩集體回憶，請來《皆大歡喜》的「衰舅父」阮兆祥（祥仔）、「萬貴妃」車婉婉、「三姑娘」陳彥行（行姐）和「排骨女婿」鄧兆尊做嘉賓，夥拍林盛斌（Bob）、戴祖儀、鄭衍峰及吳若希「四大護法」，一起打馬吊（麻雀）。
陳彥行甫開始笑言「專登着低胸啲」轉移對手視線，但對住家燕姐即投降，並說：「今晚最低胸嗰個係家燕姐！」之後玩第一個遊戲「移魂大法」，鄭衍峰搞笑問：「《皆大歡喜》啲麻雀戲係咪真打？」祥仔就說：「係㗎！每次都要花時間去砌牌，配合劇情，最嘥時間！」期間眾人連環爆金句：「唔怕高、唔怕矮，最緊要啱位！」、「早打早着，遲打瞓唔着！」
輪到「絕世好牌」環節，祥仔出動紅底褲，請來「慈姑」家燕姐上陣打牌，但穿低胸裝的家燕姐擔心走光而「姐手姐腳」，祥仔見狀即笑指家燕姐是TVB唯一可以贏高海寧的人，全場爆笑。
雀局期間，鄭衍峰又大膽想同家燕姐「搶碰」，家燕姐霸氣說：「你知唔知《皆大歡喜》冇人敢搶我碰？」最終家燕姐順利食糊，但後來戴祖儀發現家燕姐原來有機會自摸時，眾人即上演《皆大歡喜》番外篇，齊齊玩「時光倒流」讓家燕姐如願「自摸」，果然皆大歡喜！經過一輪激戰，行姐暫時領先可以玩Bonus Game，最終贏得40罐鮑魚！
昨晚（22日）播出的第10集，吳若希問兆尊如何享齊人福？兆尊爽快回應：「好容易啫，你知道本Cheque（支票簿）擺邊就得！」兆尊再自爆：「佢哋唔可以一齊埋枱，係危險禁地。」又大呻享齊人福的苦處。
