杜德偉自豪介紹4歲樂壇生力軍
香港文匯報訊（記者 梁靜儀）杜德偉（Alex）在中秋節前夕一家三口齊出席《救狗行動音樂嘉華》，兩父子首次同場以歌聲支持今次的義演。Alex與4歲半的兒子AJ當日父子檔合唱一曲《What a wonderful world》，AJ更遺傳爸爸的唱歌天分，以清脆歌聲博得全場掌聲，連在場的狗狗也發出汪汪聲助興，人狗互融。Alex搞笑說：「搵囝囝一齊演出，可以拉勻返個年齡界線，潮流興青春偶像，所以我介紹AJ呢位生力軍畀大家認識。」
兒子演出獲大家讚賞，Alex 開心地說：「佢幾個月前開始練，有一日我太太播歌氹佢瞓覺，播咗我同Daddy 當年（AJ爺爺）合唱過的一首英文歌《What a wonderful world》後好鍾意，然後AJ就話要學，當時都未話有今次演出，但係佢真係好用心去學唱呢隻歌，精神可嘉！」
對於兒子的表現，Alex指AJ平時比較怕羞，沒想到上台後又好淡定。當日大受歡迎的AJ， 跟現場的狗隻齊齊成為大家的集郵對象，而AJ 亦與一群狗狗合照，打成一片。
