【特稿】賺盡暴徒裝備錢 李政熙逃台乞課金
再有黑暴分子飽食遠颺，曾在修例風波期間在多區開店向黑暴分子售賣頭盔、眼罩及防毒面具等暴動裝備的「國難五金」的負責人、「熱血公民」前成員李政熙，昨日在facebook直播中稱，自己已於今年4月移居台灣，更直認自己在修例風波期間供應了大量裝備予佔據中文大學及理工大學的「示威者」，更聲言香港沒有需要「抗爭」，而是需要「戰爭」云云，但呢番說話由走咗佬、食盡人血饅頭嘅人把口講出嚟，真係何其諷刺。
暴徒坐監 李買新車 冚家富貴
喺修例風波期間，大批全副武裝的暴徒先後嚴重破壞及佔據中大及理大校園，其後，警方在兩大校園搜獲數千枚未使用汽油彈和爆炸品。李政熙昨日在直播中聲稱，自己當時供應了大量裝備予中大及理大的「示威者」。已遠颺台灣的他做其「冷氣軍師」，聲言香港「沒有需要抗爭」，而是需要「戰爭」云云。
他其後進入「正題」，稱自己沒有當地居留證，需要以現金一筆過繳付一年租金在當地租屋，想繼續食人血饅頭。
去年，李政熙就俾前員工透過facebook專頁「國難先生手記」連環爆料，話喺中大事件中，李政熙喺通訊群組度呻話「間間大學都走來搵我叫救命」，仲鬧嗰啲人「物資唔準備，心態都唔準備」，揶揄佢哋「除咗戰死都真係冇其他下場」喎。後來，「國難五金」另一負責人「S小姐」將自己同幾個「國難員工」合資買嘅物資送咗去中大現場，事後班唔知情嘅中大暴徒多謝李政熙，「李政熙竟然無恥自認物資係佢贊助出嚟嘅。」
爆料人當時仲話，「國難五金」至前年11月底盈利70萬元，全數入李政熙袋，「相信一部分被李正西（熙）太太响（前年）12月初帶去紐約作為三母子嘅生活費，否則，住公屋嘅李正西（熙）邊有錢換新車同供三母子去紐約生活讀書生仔？」
親「熱狗」嘅facebook專頁「顥魄砌機」亦踢爆過「國難五金」賣20蚊一個口罩，仲話同一口罩喺其他地方都係賣緊99蚊5個，即係仲平李政熙1蚊。其後，攬炒派嘅維多利亞社區協會、灣仔區議員李永財同「國難五金」合作賣口罩，將原價三百幾、炒價都不過四嚿水嘅3M嘅防毒面具加埋濾棉組合式濾毒罐要賣成500蚊，結果好快俾人發現並鬧爆佢哋食水深，結果係匆匆刪帖當冇事。
賣裝備得把口煽人衝嘅就盆滿缽滿拍拍籮柚走咗去享受，「癡心錯付」買裝備嗰班就輪流咁接受法律嘅制裁，其實已經係「黃絲」圈子嘅新常態呢！●香港文匯報記者 黃書蘭
