【圍埋睇好戲】《黑白魔后》帶你眼睛遊英國睇時裝騷
迪士尼《黑白魔后》（Cruella）據聞是延續《黑魔后》（Maleficent）另一個以惡魔做主題的電影，但今次則換上《101斑點狗》裏專捉斑點小狗造皮草的奸角庫伊拉（Cruella de Vil），而且故事是講及庫伊拉的成魔之路，可以講係《101斑點狗》的前傳。
如果只睇預告片，今次愛瑪史東（Emma Stone）飾演的庫伊拉惡魔就大不如《黑魔后》中安祖蓮娜祖莉飾演的黑魔后。雖然唔可能將兩齣唔同類型的影片混埋比較，不過在《黑白魔后》中，充滿英倫風格的44個實地景點拍攝，包括格林威治海軍學院、RAF Halton空軍基地、Englefield鄉郊別墅、著名倫敦百貨公司Liberty、Portobello Road的店舖等，就畀到大家眼睛去旅行的感覺。
另外，電影以一代時裝魔后潮流達人為主角，由金像服裝指導Jenny Beavan操刀設計出靈感源於名牌Dior、Balenciaga、Givenchy、Vivien Westwood、Alexander McQueen等的100套靚衫，經過愛瑪史東同愛瑪湯遜（Emma Thmpson）的演繹，型格古着至高貴晚裝，再配上價值不菲的珍貴珠寶，完全展現未來一季時裝展的味道。
靚人靚衫靚景各展特色，作為《101斑點狗》的前傳，又點少得斑點狗！再配合埋電影背景為上世紀七十年代，搖滾樂Punk樂都唔可以少，音樂總監就特意精挑細選多首具代表性的樂曲，由Doris Day、The Doors，以至Queen，突出電影的形格同叛逆精神。●文︰徐逸珊
送《黑白魔后》電影精美記事簿
由The Walt Disney Company (Hong Kong) Limited有限公司送出《黑白魔后》電影精美記事簿乙份予香港《文匯報》讀者，有興趣的讀者們請剪下《星光透視》印花，連同貼上$8郵票兼註明索取「《黑白魔后》電影精美記事簿」的回郵信封，寄往香港仔田灣海旁道7號興偉中心3樓副刊部，便有機會得到。先到先得，送完即止。
