祥仔扮嘢自稱終極一戰
圖：黎耀祥扮羅文唱《波斯貓》唯妙唯肖
「柴九」黎耀祥前晚在《星光熠熠耀保良》盡展扮嘢天分，分別模仿秋官、羅文及Michael Jackson大唱大跳，成為全晚高潮。事後他非常滿意自己表現，直言事前只練習了4小時，他說：「今次要算是終極一戰，因為唔係我拿手項目，扮MJ又難又唔夠時間排，演出時都一額汗！」
問祥仔平時有沒有扮嘢？他表示自己是愛睇書文靜之人，不擅跳舞，今次是看錄影帶學的。對於演出成為全晚高潮，他笑說：「係呀！多謝大家，得意一點着數一點！（會否再試扮鬼扮馬？）唔會！今次終極一戰，幾十歲人當留念，雖然我唱過秋官、羅文的歌，但未唱過《笑看風雲》、《波斯貓》！」提到之前曾做司儀，今次扮嘢又好評如潮，問到會否向演戲以外其他方面發展，他說：「今次難得有機會盡力去做，自己都當搵後路。能在紅館又唱又跳，事前思想好猶豫，怕應付唔到呢個挑戰！」
他又強調之前太過緊張，以後會謝絕類似邀請。曾與祥仔合作的周麗淇（Niki）大讚祥仔演出好睇。Niki說：「我哋在後台個個爭住睇，估唔到祥仔唱歌都OK，無諗過佢跳MJ的舞都勁，好似演唱會個個拍掌擁抱佢，可以講係全晚高潮！」
