李珊珊澄清與錢嘉樂不會藕斷絲連
圖：李珊珊不希望傳言影響到別人
李珊珊和錢嘉樂分手三年，雖二人都各自有緋聞情侶，但仍不時被傳復合，昨日，珊珊表示二人不是「掟煲唔掟蓋」的人，不會藕斷絲連。而提到今年的港姐時，她就雀躍表示有留意2號林潔瑜，8號熊穎詩，又對張舒雅甚表不滿。
李珊珊昨日以一身紅裙出席「蔡瀾品味」記者會，當她和郭羨妮、朱茵等站在一起時，即顯得身材高大。對於近日有傳錢嘉樂和湯盈盈分手，她即說：「停止啦！三年都未停過！其實都係時候畀佢去發展，我肯定我同錢生唔係掟煲唔掟蓋嘅人，唔會藕斷絲連、婆婆媽媽，大家會友誼永固，若一直提我同佢嘅事，會影響大家另一半嘅感受。（永不復合？）我唔會講返唔到轉頭嘅話，否則會被天教訓！」至於她可有打算找個新男友以停止復合疑團？她說：「唔可以咁去犧牲人，我唔怕面對群眾，但唔想影響人。」
不滿張舒雅表現
新一屆的香港小姐將於明日選出。珊珊表示因2號林潔瑜的個人Blog點擊達二十萬，大勝一班TVB藝員，所以有留意她，更讚她「好厲害」。說到她看好8號熊穎詩日後的演藝生涯會不錯，問她是否不看好林潔瑜？她即支吾以對，想了很久才說：「唔知呀！」至於9號袁嘉敏不介意被稱「大波Candy」，珊珊即說：「佢都幾吃得開喎！」
至於去年冠軍張舒雅的加冕資格由朱玲玲取代，珊珊表示十分開心，因朱玲玲甚有代表性，又可解決別人不能解決的事。對於張舒雅，珊珊即說：「我唔係好滿意佢，希望佢快啲長大，唔好令父母擔心，佢係做得最少嘅港姐。」記者指張舒雅在請病假時，仍和男友夜蒲至四、五點，珊珊得知後即反應甚大的說：「發瘟囉！」
郭羨妮力撐佳麗
而身為主角的蔡瀾站起欲發言之際，就不慎從座位上跌下，在旁的人就紛紛扶起他。郭羨妮就表示亦希望當年是由朱玲玲為她加冕，至於李嘉欣日前被指贏盡新一屆的港姐佳麗，郭羨妮說：「佳麗都靚咗好多！李嘉欣係大美人，佢哋浸多十年都會好靚！」
