強調議會不需「事後孔明」
【本報訊】上世紀香港創造了迅速崛起的神話，但踏入二十一世紀，香港卻好像停滯不前，漸漸有被鄰近城市超越之勢。林健鋒慨嘆，香港回歸後經常「打罵」，失去了過往實幹的態度，某程度上與立法會的政制爭拗有關。「議會唔需要『事後孔明』，唔好只係識鬧，而應該為政府提供『明燈』。」
很多人以功能組別議員表現差為由要求全面廢除功能組別，林健鋒認為這說法並不公允，因為事實上很多功能組別議員表現甚佳，相反個別的地區直選議員表現更為市民所不齒。「針對一兩個人係好唔公道嘅。有啲直選既議員好多時到一到就失蹤。有啲議員玩掟蕉、講粗口，好多市民都唔認同啦！」
對於很多人批評功能組別只維護商界利益，身為商界立法會議員的林健鋒立即反擊，「數到盡代表商界嘅功能組別都係得十幾個，只係有啲人將幅圖畫咁畫出嚟。」他續道，即使是代表商界的功能組別議員，都對香港貢獻良多。「舊年金融海嘯，功能組別議員提出咗好多救市方案，取得好好嘅效果。」
林健鋒認為，本港的商界應該多參與政治和社會事務，改變市民對商界的印象。「企業責任、企業良心，係真係有嘅，只係無人理、無人講。」以他有份創立的經濟動力為例，就積極參與社會事務，例如舉辦大專生珠三角考察團等。當商界與市民的接觸層面擴闊後，就可以考慮參與地區的選舉了。
