莊思敏林忠豪有共識唔尷尬
圖：莊思敏（右）與林忠豪不避嫌齊現身
許志安、緋聞男女林忠豪及莊思敏等昨早一同出席山頂的慈善步行籌款活動。林忠豪不但公開自己想結婚，問到莊思敏是否他的選擇，他表示二人有共識。二人雖然大方合照，但拒絕一同接受訪問，但活動後卻見莊思敏上了林忠豪的車離去。
男方想結婚
身為該活動成員的林忠豪一個月前已邀請莊思敏出席，對於最近二人的緋聞鬧得熱烘烘，一同出席活動他不會覺得尷尬：「唔會去避，今日係做好事，冇影響心情，但都想減少新聞。」至於二人的發展，他直言大家都忙，食飯無問題，他都希望將來結婚，但需要時間，並說：「追到就當結婚對象，要搵個相處到。（莊思敏係唔係你嘅選擇？）要審慎選擇，大家有共識。」提到莊思敏有否見過其父母，他表示不懂回答：「冇印象。（媽咪讚莊思敏係好女仔？）唔答假設性問題。」
莊思敏表示這次活動是對方邀請，強調說：「朋友檔做慈善。（係咪發展中？）大家啱傾，但暫時未有進一步發展空間。」她直言不會因這些事感尷尬。提到早前有指男方與甄詠珊食飯，會否影響發展機會，莊思敏直言未想到發展，說：「無所謂。（會唔會覺得佢花心？）唔會，大家識咗好耐。」她表示二人沒有刻意避忌，最近因為是敏感時期，會減少見面。提到有否見過對方的父母，她支吾表示，食飯時有見過。
安仔「大細超」
許志安國際慈善基金會捐出二十五萬元給有關活動，安仔表示，幫到小朋友及老人家是最重要。戴上墨鏡的他透露，活動完結後要到澳門開個唱，但眼睛生瘡腫了，要看完醫生才起行。他笑言個唱要改名做大細超演唱會：「好彩本身細眼，腫咗都唔覺。」
