羅仲謙：無心傷她
羅仲謙則在昨天傍晚五時十五分返公司星皓召開記者會，他顯得一臉憔悴又有點眼濕濕，其經理人表示這次只是交代事件，其他事不會講。
一腳幾船無交代
謙仔說：「其實經過上次件事，我有些事處理得不好，但我好珍惜跟她之間的感情，所以我再次搵番佢，佢畀我的感覺係我哋有機會。」他指大家一起這段時間，因為信任問題，常有吵架，期間更騷擾到一些異性朋友。他說：「當日她查我的電話，當時她有點激動，我就制止佢，捉住佢，可能因為咁整到佢。」謙仔說到這裡都頗激動，停了一會再說：「兩個人之間冇咗信任係好難喺埋一齊。之後我們便分開了。」
問到他有跟傅穎道歉嗎？其經理人立即表示，其他事不會講。再問到他有後悔嗎？謙仔只低頭不語，之後讓記者拍照後便離開，但就未有交代是否一腳踏幾船的事。
