盧凱彤歌悼Amy
圖：Ellen因黃貫中與結他結緣至今
一連五場的「盧凱彤掀起連場音樂會」前晚最後一場演出，盧凱彤（Ellen）請來黃耀明做嘉賓，跟她合唱。適逢英國女歌手Amy Winehouse被發現倒斃家中，Ellen即以一曲《feeling good》來悼念她，並道：「外間嘅人點講佢都好，但佢帶畀我哋咁好嘅音樂，係值得尊重嘅人。」
Ellen提到自己讀中學時，老師曾指娛樂圈是大染缸，更揚言如果她在十五歲入行一定會後悔。Ellen道：「當時我好驚，唔知咩係大染缸。到今時今日，我都唔知娛樂圈係咪大染缸，不過我想話佢聽，我無變，唔好覺得我呢個學生無用。」Ellen又透露自己的偶像是黃貫中，亦是對方令她再拿起結他的，接着她便唱出他的作品《不見不散》和Beyond的《早班火車》。Ellen謂，以後出騷都會唱黃貫中的歌，希望他會叫她一起彈結他。
傑出歌手
安哥時，當Ellen唱《Summer Of Love》時，黃耀明、容祖兒和何韻詩突然走到台上，令Ellen開心不已！事後接受訪問時，提到容祖兒和何韻詩「拍拖」到場，Ellen即說：「唔係，佢哋係伴住明哥，真係嚇親我，我未試過唱歌有人喺後台走出嚟！」她又謂有致電黃貫中，但試探出他忙於錄碟，所以不敢請他到場。
對於Amy Winehouse逝世，Ellen感到很傷心，並謂打從對方推出第一隻碟已很喜歡她，覺得她是現今最傑出的女歌手。有傳Amy Winehouse吸毒，那Ellen可覺得今次不幸事件是吸毒累事？Ellen道：「依家啲人覺得九成有關，佢只係將人生燃燒得比其他人快一百倍。」
