呂慧儀紅毯蟬聯性感
圖：呂慧儀性感出擊，誰與爭鋒？
每年的香港先生選舉，一眾出席任評判的女藝人都會性感上陣，爭妍鬥麗。去年呂慧儀以U字大低胸晚裝，搶盡風頭。今年她都不例外，穿上大Deep V晚裝展示性感，成功搶鏡。
陳敏之認輸
昨晚七時，一眾女藝人齊踏上紅地毯，五位司儀亦齊現身，包括鄭裕玲（嘟嘟）、莊思敏、陳敏之、呂慧儀及陳奐仁。對於被呂慧儀搶鏡，嘟嘟姐笑言必然，她跟其他幾位女司儀都無得比。佩戴了二百多萬元首飾的陳敏之昨晚穿上高衩晚裝，提到呂慧儀搶鏡，她說：「係我叫佢咁做，年年都要有個焦點，我叫佢放盡去做，唔介意佢搶鏡，最好搶到收視有四十點。」記者指她的上圍不及莊思敏及呂慧儀，敏之說：「我都有小溝渠，其實我係露腿。」
莊思敏昨晚低胸上陣，雖然有展露「事業線」，但都不及呂慧儀。她說：「我點都勁唔過佢，無謂惡鬥。（佢搶晒鏡喎！）預咗啦。我叫佢對我好啲，我相信我係佢唯一朋友，佢咁着都冇乜朋友。」對於「僭建」都不及呂慧儀，莊思敏說：「我當初都話唔打算派（米），只想着衫好睇啲。（你話佢派米？）唔係，佢比較豁達，我就孤寒啲。」
呂慧儀再次成功搶鏡，她指自己的性感偶像是舒淇，實力才華偶像係嘟姐。不過，因為去年被指太性感，她在節目中會換上另一套喱士晚裝，希望少性感，增添女人味。兩套晚裝，她都會以過百萬元的鑽飾去配襯。
高海寧失色
相反地，同樣有驕人身材的楊梓瑤及高海寧昨晚就失色不少。高海寧表示之前已講明認輸，加上最近瘦了，的確是縮了胸，但cup數沒影響。楊梓瑤承認自己最近瘦了，上圍縮水，現在只有32C。她又澄清自己從來都沒有E cup。
另外，陳蕊蕊昨晚都很性感，行紅地毯時，其上圍跌蕩。她表示沒有刻意谷胸，上圍一向是34D，因為行路才感到動盪。
