被指「匿老婆後面」唐感難受
圖：唐英年在競選辦公關謝彩雲（右）陪同下突破傳媒包圍進入論壇會場
唐英年的僭建風波愈鬧愈大，他日前偕太太解釋事件後引起輿論熱烈討論。唐英年昨日無懼逾半百傳媒包圍，再次現身「解畫」。今次唐英年並無雙眼通紅嗚咽交代事件，而是理直氣壯地強調自己無講大話，並稱早已預知被傳媒「描繪」為「匿喺老婆後面」，他感到難受，但強調只是想說出事實，願意就事件獨力承擔。
眼見群情洶湧，唐英年昨日並無閃縮迴避，出席記協一個論壇時，主動再交代事件及逐一回應記者近二十條有關僭建的問題。就昨日有部分報章頭版批評他把責任推卸給太太，他說，早已預知被「描繪」為「匿喺老婆後面」：「但係我嗰番說話係出自真心，過去兩、三日我的確有矛盾，呢個矛盾我就係唔想畀人覺得我『匿喺』個女人後面，但係如果唔講個事實出嚟，結果就有啲含糊。」
唐英年又說，日前偕太太出來交代事件是經過一輪掙扎，初初更想過把事件「攬上身」：「我掙扎咗一輪，內心好唔舒服，同老婆傾過都係決定坦白同大家交代，將個事實講出嚟，所以我係預咗大家咁寫，但睇落之後都係唔好受，係難受，因為我都係人嚟嘅，我都有感受，所以我希望大家接受我致歉同埋解釋。」
至於被批評誠信有問題，唐英年重申，自己由頭至尾說的都是事實，從來無講過大話，所以不涉及誠信問題，但承認無及時將事情處理好是有錯。
