【一矢中的】英明勇將超威星Ｗ
第四場「英明勇將」今季初出完成跨季三連霸，老馬戰鬥力高企可見馬房保養確係出色，近仗三班強組都所負不遠，今次落班換來一批較次對手，隨時又可東山再起。「銘記知心」今季初出七十七倍監生吞，最終跑第二名只以短距離不敵「駿馬風采」，之後兩場大熱跑第五名一再接近，退熱之後提防今場又郁手。
第五場「金剛福星」上次轉場加程角逐千四米跑第五名走晒光，今次重返谷草對手減弱已屆出頭時候。「好運寶寶」上季出道第二場已贏馬，今季落腳轉慢逐漸加程發展，上場同程跑第二名不敵「追風驥足」，今次強手已去可補中。
第六場「上校」季內兩勝同程表現出色，四歲馬氣勢如虹料四班留唔住，今次再攻同程力足再下一城升班去。「股票傳奇」上場起步大慢閘蝕位無數，惟直路上更以後發先至姿態贏馬，追勁之強令人咋舌，今次起步不再執輸力足再建奇功。
第七場「明月輝煌」初出熱身後上場即郁手，在田草千四米跑第二名，叮噹之下僅負於「至尊高陞」，今次轉來谷草一哩也合發揮，補中可存厚望。「肥仔威威」歷來三場頭馬俱在谷草一哩錄得，上場輸形勢非實力，捲土重來可施回馬槍。
第八場「樂滿貫」於澳洲兩出兩勝，路程為一千及千二米二級賽，潛質尚未完全開發，來港插三班起步料有一定作為，上場落飛追近跑第六輸不足兩馬位，試準今次再來應可提升名次。「飛霸龍」歷來十四戰谷草千二米獲三冠四季兩殿三第五，當中只有兩次無獎金收，上場第三證明狀態復甦，熬班底足以在此重振聲威。
第九場「超威星」出道八場獲三冠一亞一季兩殿，前仗四班千二米輕勝贏馬，上場首次升上三班照捧成大熱連捷，四歲馬踏上升軌越戰越勇，今次再報強項上陣，仍虛處分期之馬力足三連霸。「一拍即合」出賽七次獲三冠一亞兩季一殿，全部跑入前四名，而且近兩季俱有一出即勝鏡頭，今次做足工夫而臨可重溫好夢。
