【專攻冷馬】文明之星隨時起筷
第三場、第四班、一六五○米。馬主賴偉智今季將兩駒轉俾蘇偉賢訓練，「鵲橋飛渡」同「仍然贏」兩駒都已贏馬，前駒更執兩W，不過贏馬唔會有人嫌多，睇番「鵲橋飛渡」兩次贏馬越放越有，惟之後似乎並冇用最佳跑法真正發揮過，先有波健士捉實唔放，繼而周俊樂起步慢閘，最終造最快末段衝番上無補於事，跑第八輸三個半馬位；上次潘頓又沿途走二疊拍放，最終跑第四，今次只要肯放有權再贏。
第六場、第三班、一○○○米。馬主馬慶文從事手袋生意，佢間公司更二○一八年上市，同年佢仲抽到自購馬候補籤，本應都未做得馬主住，但係因為有人放棄中籤機會，令馬生好好彩以候補身份補上，提早在港做到馬主，上季尾佢就買入澳洲自購馬「文明之星」，來港交俾丁冠豪馬房訓練，呢匹栗色馬喺澳洲三勝千二米，目前評七十分肯定有利，今次打王牌再來隨時起筷。
第七場、第四班、一六五○米。蘇偉賢深得日本籍馬主支持，分別是「醒目再臨」馬主大川徹及「榮進」系馬主平井克彥，其中前駒已在蘇廄旗下取得兩捷，今期輪到「榮進挑戰」於沙田熱身後轉來角逐谷草。「榮進」賽駒香港馬迷不會陌生，如「榮進寶蹄」贏過女皇盃兼香港一哩錦標，平井家族過往在港養過曾兩捷的「榮進寶寶」，如今有「榮進挑戰」接棒難以輕視。
