【網議政事】盲插台電影 黃導演獻醜
拍《地厚天高》上位竟鬧人拍片講政治 數「五宗罪」反顯無知可笑
攬炒派自大專橫都唔係咩新鮮事，但好似《地厚天高》個導演林子穎咁，日前喺facebook出post大鬧台灣電影《刻在你心底的名字》「無啦啦講咩政治啫」，仲要睇咗18分鐘就連電影名、角色都講錯地作出5大批評，咁嘅情況都真係幾新鮮。唔少網民都鬧佢「自己靠《地厚天高》上位，依（）家話人抽歷史政治水」，有人直情問︰「條女係咪以為自己係電影大師？」■香港文匯報記者 甘瑜
拍「港獨」分子梁天琦嘅紀錄片而出名嘅導演林子穎，日前喺fb出post鬧爆「刻在心低的名字」（其實套戲叫《刻在你心底的名字》）好「伏」，仲叫大家千祈唔好開嚟睇，開咗都要熄咗佢喎。佢聲稱套戲係「言情垃圾」，自己睇咗18分鐘就「××聲」放棄。
自己臉盲 仲怪兩主角似樣
咁到底有咩咁得罪佢呢？佢就數咗套戲嘅5大問題，最離奇嘅係佢覺得兩個男主角差唔多樣都係問題，令佢「睇到18分鐘都分唔到」喎，仲話埋個導演︰「就算導演你心目中男神係呢啲樣，都唔好搵埋兩個一樣架（㗎）。」只能夠說臉盲真可怕。
林子穎仲話個劇情唔合理，個「鬼佬牧師」又教音樂、又教游水、做埋訓導，兩個男主角好快一齊又唔啱咁。最打臉嘅係佢鬧套戲「無啦啦講咩政治啫」，唔明點解要有政治人物死訊嘅內容，仲要人顧及佢智商咁話︰「我開頭一個（路）睇一路頭都大，我已經要認你兩個男主角，而（）家仲要因為你想抽水所以顧埋你台灣歷史？」
林子穎最後仲將「黃納粹」精神發揮到淋漓盡致，「比（畀）我知邊個話覺得好睇，我一定指住佢塊面黎（嚟）笑」，仲自嘲話呢個係佢冇朋友嘅原因喎，唔知係咪想話自己「孤芳自賞」呢？
網民恥笑林子穎戲名都打錯
睇咗18分鐘就狂噴口水去鬧，唔少網民都頂佢唔順。「Gerselle Cheung」揶揄︰「林大導自己靠《地厚天高》上位，依（）家話人抽歷史政治水。如果呢套係垃圾，唔知林大導套《全部都係雞》算係乜。」「Zacky Leung」亦話︰「你拍《地厚天高》講政治就得，人哋講政治就唔得，你知唔知乜嘢叫尊重？抵你畀（俾）人恥笑。好彩未買《地厚天高》DVD，而（）家慳返！」
「Carter Tsu」直情寸佢︰「你又拍番（返）套啦……你咁勁，睇10幾分鐘就熄人機……睇下（吓）你拍出泥（嚟）點，比較下丫（吖）麻（嘛）。」
「Wai Chun Lai」亦寸佢︰「18分鐘就放棄？你人生係唔係都係一樣？成編（篇）野（嘢）最啱既（嘅）就係你括弧裡面『that's why you have no friends（呢個就係點解你冇朋友）。」
唔少人就喺林子穎篇影評度覺得佢有學習障礙。「路易仕」話︰「你連套劇個台灣背景都未了解清楚（就）寫影評……」「Dan Wong」指出︰「套戲講戒嚴時期的同志議題，佢就×佢講政治，真係唔明。條女係咪以為自己係電影大師？」
「Hui Wai」亦質疑︰「呢個導演個腦係咪有事？定有認知障礙？劇名又打錯。神父牧師又打錯？原來氣質/外型相似唔可以產生感情……很難想像這是電影人的評論，一個香港電影工作員（者）要這樣用『伏』字，究竟是自大定自卑？」
