【網議政事】何桂藍轉貼「燒聖誕樹」圖美化黑暴
唔知大家仲記唔記得舊年11月時，九龍塘又一城商場俾一班黑暴分子針對嘅事呢？佢哋當時除咗打爆商場啲玻璃外，仲燒着一棵幾層樓高嘅聖誕樹。今年難得香港回復平靜，但有啲人似乎死心不息，例如攬炒派「立場姐姐」何桂藍噚日就轉貼返張聖誕樹被縱火嘅相（見圖、fb截圖）出嚟，話「美學追求嘅嘢之究竟咩謂之靚嘅聖誕樹」。將黑暴分子惡行講成係「美學追求」，大家明佢追求咩啦。
攬炒派嘅「Gil Lee」最近就喺facebook重提舊事，並貼出「火燒聖誕樹」嘅圖片，相入面除咗烈火熊熊嘅聖誕樹，仲有個神情緊張，企喺一地碎玻璃前嘗試用消防喉救火嘅商場職員。何桂藍就轉貼咗個帖文，仲寫住「美學追求嘅嘢之究竟咩謂之靚嘅聖誕樹」。唔通佢認為「火燒聖誕樹」係符合佢嘅「美學標準」？ ■香港文匯報記者 倪思言
