【網議政事】「主留」「鬧辭」佢講晒 鍾劍華被批「雙標學棍」
傳統「飯民」食相難睇咁延任立法會議員後，近日又因為DQ4事件「鬧辭」，轉軚轉到支持者都跟唔上，但就俾「抗爭派」恥笑批評。「香港民意研究所」副行政總裁鍾劍華日前就喺facebook發千字文，鬧班「抗爭派」抽水係「雙重標準」，仲暗示佢哋係「王八」。不過，中文大學「獨」講師劉正嘅facebook專頁「無神論者的巴別塔」就反鬧鍾劍華之前話留響立法會做到幾多嘢，?家就「厚顏無恥咁掉番（調返）轉頭」，「雙重標準邊夠你條學棍黎（嚟）？」
傳統「飯民」早前為咗留喺議會，民調再民調後終於得到可以由佢哋自己做決定嘅「結果」，當時班人仲口響響話會喺「議會戰線」呢樣嗰樣，點知轉頭又止血「鬧辭」，自然俾「抗爭派」鬧係自取其辱、背棄承諾。
鍾批「抗爭派」抽「鬧辭」水
一直「主留」兼幫手搞「延任民調」嘅鍾劍華，日前為咗幫傳統「飯民」嘅「鬧辭」護航，竟然聲稱?家「鬧辭」係有「較大政冶衝擊力」，真係唔知衝擊到邊個嘞。佢仲鬧爆班「抗爭派」：「擺到明支持某個『散水派別』的那些嘍囉……何必在面對共同的強敵時還要抽水，還要自相殘殺……有人說『如果一早拒絕延任，就不會搞到現在這個局面』……現在這個時候還要這樣抽水的，可能也真的是背脊敲得響的生物……班人真係九唔搭八，永遠都係雙重標準！」睇住佢九唔搭八咁暗示「抗爭派」係「王八」，呢種「學者風範」真係令人震驚。
不過，「抗爭派」又邊有咁易被鬧退。「無神論者的巴別塔」就踢爆鍾劍華：「呢位鍾劍華當日已被我踢爆幫『飯民』操作假民調……仲要響公佈（布）結果記者會入面急不及待撲出黎（嚟）領功；然後今日又重施故技（伎）……『鍾廢老』係咪唔記得咗，當日你講到留響『臨立會』可以做倒（到）呢樣果（嗰）樣幾×多嘢？然後一個月後你可以厚顏無恥咁掉番（調返）轉頭話應該『總辭』？雙重標準邊夠你條學棍黎（嚟）？」
「無神論者的巴別塔」仲話鍾劍華同公民黨主席梁家傑一樣，根本就係反應極慢，「留響世界就係一種對民主運動嘅負累，勸佢早日收皮咪×再為害世人。」
「Ricardo Chan」亦喺鍾劍華個post度留言︰「2020年仲係不思進取，諉過於人嘅態度。」睇嚟冇埋議員身份嘅傳統「飯民」，今次真係咩都冇嘞。 ■香港文匯報記者 黃書蘭
