【網議政事】癡鋒長期求課金 fb晒命「食豪西」
呢個世界總有啲人衝去最前線然後失業或坐監，但有啲人唔使返工、唔使大學畢業都可以坐享家中嘆美食。前「香港眾志」秘書長黃之鋒（癡鋒）前晚喺facebook打卡，貼自己撐「黃店」嘅外賣到會，包括北海道白粟米刺身沙律、隱秘極上炙燒吞拿魚、威靈頓牛肩脊。有攬炒派facebook專頁就忍唔住問︰「佢有無諗過喺荔枝角收押所同監獄入面食緊狗飯嘅『手Joke（足）』依（?）家咩環境？沒有，因為牠（他）只想到牠（他）自己。」
一般人買外賣多數都係飯盒，但黃之鋒呢啲要人課金畀佢請司機、請保鏢嘅人，注定就唔係一般人。前晚佢貼出嗰堆外賣到會相，唔少佢嘅支持者都潤佢成日食咁豪，「Gordon N Irene」話︰「Gphone（之鋒）成日食好嘢。」「Tony Leung」都忍唔住話︰「Gphone介紹啲食物好似愈嚟愈高級。」諷刺嘅係，黃之鋒個post例牌跟埋佢叫人課金嘅link，話係支持佢「向世界展現香港人頑強抵抗的意志」喎。
網民：有冇諗在押「手足」食乜
不過，唔係個個可以好似黃之鋒咁嘆世界。「Lee Christine」就留言︰「介紹的食物很吸引，在這疫情，很多香港人要節儉。」「David Cheng」仲貼埋內地在押人員一周膳食嘅餐牌話︰「十二手足只食緊依（?）啲。」
fb專頁「泛民主派·永遠站在抗爭者對面」亦出post質疑佢冇諗過在囚「手足」，仲加埋「24歲沒有工作」等標籤，質疑佢係攞支持者課金食好嘢。「King Leung」揶揄︰「都要有一大堆傻人供奉佢先得。」「Mebius Mak」問佢︰「對唔對得住手足？」「Teddy Cheng」留言話︰「我有工作都食唔起。」「Charmaine Kwok」質問︰「未交代眾籌錢去向，然食威靈頓牛肉會唔會背脊骨落呀？！」 ■香港文匯報記者 甘瑜
