贏台慶10萬獎品不用上繳 陳展鵬認太太做KOL賺得多

●首度擔任問答遊戲節目主持,展鵬直言壓力甚大。  香港文匯報記者梁靜儀  攝
●首度擔任問答遊戲節目主持,展鵬直言壓力甚大。 香港文匯報記者梁靜儀 攝

●王敏奕近日從泰國拍完電影返港。  香港文匯報記者梁靜儀  攝
●王敏奕近日從泰國拍完電影返港。 香港文匯報記者梁靜儀 攝

  香港文匯報訊(記者 梁靜儀)陳展鵬昨日為主持的無綫台慶綜藝節目《弊傢伙!有嘢唔見咗!》進行錄影,嘉賓包括劇集《警是個大佬》一眾演員:羅子溢、王敏奕、賴慰玲、張馳豪及鄧智堅等。

  陳展鵬日前於台慶中贏得10萬元禮品及免找數簽賬額,被問到如何分配獎品時,他表示獎品尚未到手,但一定會分給一班兄弟,特別是陳豪,因對方在節目第一集已上來撐場。不過他坦言金額其實不算太大:「如果靠嗰10萬蚊就死啦,我屋企有父母、個女、老婆,仲有兩個工人,連埋自己要養7個人,你諗吓一個月開支幾多?每月使費唔止10萬。不過呢啲都係福分,都開心。」問到太太單文柔可有要求他上繳獎金,他笑言:「冇,太太好好。(太太做KOL都搵到錢?)所以我咪靠老婆囉,我老婆養我,我唔夠錢,佢會畀錢我,同埋我使費唔大。(會唔會買份禮物獎勵自己?)呢一年托賴,工作唔算太辛苦,雖然有時只可以瞓3至4個鐘,但工作環境開心,保持開心嘅心態最重要。至於囡囡都唔太物質,冇叫我買禮物。」

  首度擔任問答遊戲節目主持,展鵬直言壓力甚大:「個節目要帶畀觀眾新鮮感,同埋要識好多知識,又要控制節目氣氛。我第一次做主持,真係好大挑戰,覺得最難係個人穩定性同集中力,有時會發台瘟,但都係提升自己嘅機會。我都有參考曾志偉、鄭裕玲主持過嘅節目,不過睇就好笑,做就好難。(可會請太太單文柔任嘉賓?)都有,不過我都想請專業素人同藝人 crossover。」

  王敏奕首用真槍拍戲

  近日從泰國拍完電影返港的王敏奕表示,在當地逗留了一個月,拍攝過程十分順利。她透露戲中飾演女警,合作演員有林峯,但二人沒有感情線。她又指今次是首次到泰國拍戲,亦是首次使用真槍拍攝,事前有為角色接受相關訓練,稍後將到橫店拍攝無綫新劇。她有份演出的台慶劇《警是個大佬》將於下月播映,對於同劇的羅子溢早前表示會在《萬千星輝頒獎典禮》「最佳女主角」投她一票,王敏奕稱自己亦會投對方及林盛斌一票,因為對二人很有信心,而自己能夠入圍角逐已感到十分開心。

  羅子溢表示,今次在遊戲節目中最有信心的環節是經典對白題目,尤其是太太楊茜堯的劇集。問到最熟悉哪一句時,他即繪形繪聲地說:「打你使乜擇日子。」被問到是否經常在家聽到時,他笑說:「對白就冇,眼神就有。(犯咩錯?)乜都有啲,BB(仔女)嘅錯都係我錯,我自己就冇經典對白。」