率黃浩然蔡一智出戰「毅行者」20公里 花逾6小時跑完 周潤發自嫌:好慢呀

●「樂施毅行者」今年首辦20公里賽事。香港文匯報記者李慶全  攝
●「樂施毅行者」今年首辦20公里賽事。香港文匯報記者李慶全 攝

●(右起)周潤發、蔡一智和黃浩然完成20公里賽事後仍表現得相當精神。香港文匯報記者李慶全  攝
●(右起)周潤發、蔡一智和黃浩然完成20公里賽事後仍表現得相當精神。香港文匯報記者李慶全 攝

●周潤發率隊員在昨日下午2時23分衝線。香港文匯報記者李慶全  攝
●周潤發率隊員在昨日下午2時23分衝線。香港文匯報記者李慶全 攝

●苗僑偉夫婦在終點迎接跑隊凱旋。香港文匯報記者李慶全  攝
●苗僑偉夫婦在終點迎接跑隊凱旋。香港文匯報記者李慶全 攝

  周潤發(發哥)做領隊帶領藝人黃浩然、蔡一智一行20多人,昨日出戰「樂施毅行者2026」新增的「樂施會50周年限定版」20公里賽事,由早上8時正在大帽山扶輪公園停車場出發,於下午2時23分55秒抵達終點屯門哈羅香港國際學校衝線,歷經逾6小時完成賽事。苗僑偉(三哥)和太太戚美珍(三嫂)則專誠在終點迎接跑隊凱旋。71歲的發哥到達終點後零疲態受訪,但就嫌自己跑得慢,成績遜預期。

  ●香港文匯報記者 李慶全

  發哥、黃浩然與蔡一智接受訪問時,被問到今次跑20公里的體驗?發哥以一貫搞笑作風回答說:「你睇下智哥(蔡一智)面青青就知佢冇跑,我哋個個都紅卜卜!」提到今次大會原定他們早上11時30分會到終點,結果要到約下午2時23分才衝線,是否比預期慢了?發哥解釋:「係好慢呀!因為大帽山一落七八公里都係直落(落斜),頂唔順啦。」並指連續落斜對膝蓋負擔相當大。蔡一智表示,跑得比較慢,是因為他們兜了去千島湖打卡。發哥又指浩然跑得厲害,但之前跑步扭傷要帶傷上陣,要慢慢幫他「搓返」。黃浩然笑指自己並沒有不舒服,但發哥就說:「係你拉我落水,一定要嚟,其實你都好辛苦!」黃浩然指今次是跑「50周年發哥版」,發哥扮辛苦說:「玩一次好啦,以後都唔好再嚟,命都唔長!」浩然回說很難有這個機會,要50年才一次。

  苗僑偉夫婦「接跑」參加渣馬

  談到發哥帶隊跑山,笑言最怕蛇怕鬼,他即望着蔡一智說:「嘩,呢條蛇幾大條!」之後又笑阿智(蔡一智)行兩步就拉下筋擺甫士,真係又靚又叻。記者問發哥跑步全程是否很多人上前「集郵」?發哥又笑說:「都要做㗎啦!做市民嘅嘢,為人民服務。」問到他們跑步有否策略?發哥指由頭到尾都是在休息、吹水和食嘢,蔡一智笑言有飯團、朱古力和一大堆有機食物。

  至於跑畢後如何慶功?他們笑言三哥、三嫂來接他們去吃好東西,而三哥和三嫂笑稱接機、接車多,接跑還是第一次,發哥即說:「卓Sir(《使徒行者》中苗僑偉角色)來接我哋喎,好緊要、好鼓勵!」問到三哥是在哪個位接他們?發哥又搞笑說:「重案組發生喺嗰度查案,兄弟做嘢!」再問發哥將來會否也拉三哥和三嫂跑步?發哥笑指他倆已落疊,會跑2027年渣馬(渣打香港馬拉松),不過都只跑10公里,並幽默道:「想佢死呀?卓Sir追賊叻跑步唔叻,今日佢帶隊係北潭涌教頭,『苗英偉』好犀利呀,我同佢改㗎個名,𠵱家英俊咗好多,我引退咗,畀咗佢。」發哥續指「Ken哥」鄭則仕到時都要跑,不能不跑,黃浩然聞言自告奮勇說:「今年我負責做保鑣,喺側邊傍住佢!」發哥又笑Ken哥是今年渣馬的吉祥物「肥貓」,並鼓勵對方說:「Just do it!」發哥還替Ken哥改名叫「鄭杞人」,因他杞人憂天,常驚落雨打風:「佢話師傅唔跑得唔得,梗係唔得啦,杞人好識蛇王,最大條蛇就係佢。」

  發哥爆與BIGBANG合影受限制

  此外,韓國天團BIGBANG日前在香港啟德主場館演出,發哥獲邀去捧場,BIGBANG隊長G-Dragon(GD)在台上特別感謝發哥,並讚賞他是「forever young super star(永遠年輕的巨星)」,對此,發哥說:「嗰晚我去睇咗啦,個騷好睇,後台都有合照,但佢經理人嗰邊要用大會機,我想用自己機都唔得。」記者笑問發哥是否未能招牌自拍?發哥笑說:「有,打畀周太(發嫂),佢有相,其實佢哋係叫我陪周太去!」問周太喜歡BIGBANG哪位成員?他說:「3個都鍾意,佢係唔鍾意我啫!」問他有否像梁朝偉和劉嘉玲看加拿大歌手The Weeknd演唱會時興奮地邊唱邊起舞?發哥笑說:「我䟴(腳)晒啦!」更即興唱:「咪當我老襯……」發哥表示,繼去年在MAMA頒獎給GD後,他倆一直未有見面。接着,發哥又說要結束訪問,因為肚餓要去食煲臘鴨飯醫肚。