【烹屍慘案】鄺港智:蔡與父車上「傾偈」後倒臥有血 指鄺球提出運蔡到龍尾村 稱事後看新聞才知肢解事

●圖為案發後,警方封鎖大埔龍尾村兇案現場進行搜查。資料圖片
●圖為案發後,警方封鎖大埔龍尾村兇案現場進行搜查。資料圖片

●被告鄺港智	資料圖片
●被告鄺港智 資料圖片

  28歲名媛蔡天鳳疑遭殺害碎屍案,昨進入第四十二天審訊,蔡天鳳前夫鄺港智續作供。他接受辯方大狀安華暉盤問時,講到事發當日和蔡天鳳、鄺港傑同車前往接女兒放學,其間他向蔡天鳳轉述鄺球說過「如果再唔畀佢見啲孫,咁佢就唔再配合其他嘢」,蔡天鳳聞言「開始有啲嬲」,途中混雜海南話及廣東話「一路鬧緊我老竇」,又斥鄺球「臨老入花叢」、「唔可以再畀佢見啲孫,驚教壞啊」,並表示要「即刻去搵佢講清楚」。鄺球當時身在大埔,當七人車抵達大美督停車場後,他和鄺港傑下車抽煙,鄺球則登車和蔡「傾偈」。當他們再返上車時,發現蔡倒臥車內及頭部有血,鄺球稱:「唔好講住啦,返村屋嗰度先。」

  ●香港文匯報記者 葛婷

  鄺港智憶述,他當日和鄺港傑在旺角新世紀廣場的星巴克用膳,其間談到健身的話題。鄺港智確認,他同日坐上AA3383七人車接女兒放學,當時蔡天鳳亦在車上。

  當時,蔡天鳳「有同人傾吓偈,傾吓電話」,他亦在玩手機,其間他問蔡天鳳「睇樓嗰度睇成點」,蔡天鳳回應「搞緊囉」,並着他「得閒就去睇吓黃金海岸或者滿名山嗰啲地方」。隨後蔡天鳳提起農曆年初一的事件,鄺港智解釋是「我老竇帶咗啲仔女去玩件事」,他告知蔡天鳳「我之前同老竇飲茶,佢話如果再唔畀佢見啲孫,咁佢就唔再配合其他嘢」。

  指蔡案發當日要求與父「講清楚」

  蔡天鳳聞言「開始有啲嬲」,要求他與鄺球傾談子女問題,惟他回應稱「關於細路仔事,我無辦法講喎」,蔡天鳳隨即「鬧我無×用咁樣」,又稱「死老嘢又同我玩嘢」。其後,蔡天鳳叫鄺港傑查問鄺球行蹤,表示要「即刻去講清楚」,鄺港傑回應「佢一路都喺大埔」,蔡決定「即刻去搵佢講清楚」,並吩咐鄺港傑致電鄺母李瑞香去接蔡的女兒放學。

  鄺港智憶述,蔡天鳳途中混雜海南話及廣東話「一路鬧緊我老竇」,指「唔可以再畀佢見啲孫,驚教壞啊」,又罵鄺球「臨老入花叢」等等。

  鄺港智續稱,抵達大美督停車場後,見到鄺球駕駛的七人車VY9157,鄺港傑將AA3383泊在附近。當時鄺球走近把一份文件交給鄺港智並稱「搞掂咗喇」。隨後「老竇上咗車同Abby(蔡天鳳)傾偈,跟住我同我阿哥行開咗嘅,一路食緊煙喇,但係就唔係好遠嘅啫,跟住之後食完支煙返到去,跟住之後⋯⋯應該係我阿哥開門⋯⋯就見到Abby瞓咗喺度,跟住我老竇就坐咗喺度喇,本身我個位嚟嘅,跟住之後呢就問佢咩事呀?發生咩事?」鄺球稱:「唔好講住啦,返村屋嗰度先。」

  鄺港智稱,「我就即刻睇吓Abby點樣,跟住就見到已經有血喇,個頭度有血。我有郁佢隻手、叫佢喇,摸吓佢心跳,我亦都有睇吓有冇呼吸了,跟住之後就冇反應了見到。」兩車其後駛至龍尾村,鄺球登車檢查蔡是否有生命跡象,「我就話咁點算呀𠵱家,報警定call白車定點樣」,鄺球回應:「吓,你通緝緊㗎喎,啲仔女點算吖?」「跟住佢就話搬咗入屋先了,跟住之後就係閉路電視影到嗰啲囉。」

  鄺港智又稱,他與鄺港傑「清空緊架車嗰啲嘢囉,諗住拎晒入屋先」,他下車時已脫下外套及衣服,因為其衣服左下方沾上血漬,「應該係我睇Abby嗰陣時整到嘅」,並稱事後看報道才知悉鄺球如何處理屍體,形容當時感到「好驚」。

  否認曾接觸涉案錘仔

  鄺港智曾與鄺港傑在日本城購物,當時鄺港傑購入保鮮紙、螺絲批等,鄺港智確認,但稱沒有留意胞兄購物,亦不知道胞兄購物有何用途。至於被指為兇器的錘仔上有鄺港智DNA,他在庭上稱:「但我冇掂過,掂都冇掂過。」