姚子羚從暫託人變飼主 被愛犬咬傷仍不離棄
香港文匯報訊(記者 梁靜儀)姚子羚(Elaine)跟14歲愛犬唐狗「阿通」近日亮相節目《我和牠的故事》。自小便喜歡動物的Elaine,從未想過會因為一頭狗改變人生。故事要從社交媒體的一段帖文說起,Elaine形容為「整定」的緣分,她笑說︰「有一日睇到朋友喺social media(社交平台)貼咗張相,話有隻狗狗畀人綁咗喺深水埗通州街。唔知點解好關心呢隻狗狗,之後知道佢送咗去漁護署。」Elaine透過相熟的動物權益機構將阿通接走,暫託在自己家中,打算替牠找主人家,結局就如Elaine主演劇集一樣,日久生情促成這段緣分。
節目中,Elaine透露阿通性格較敏感,不喜跟同類交流,反而愛跟人玩。對於行山更是情有獨鍾,雖然牠已年屆14歲,但行足一小時仍沒有問題。論到人狗間關係,Elaine以母子來形容︰「我會好似照顧小朋友咁照顧阿通,屋企人由媽咪到姊妹,全部變咗婆婆、姨媽同姨姨,阿通係屋企一分子。」可是,人寵間的交往並非一帆風順,多年前阿通曾在無意間咬傷Elaine,雙方身心都受到打擊,她說︰「經歷佢整親我呢件事,之後反思點解佢會整親我,其實未必全部係佢問題,可能我都有(問題)。」為此Elaine找犬隻訓練員幫忙,被訓練的不止狗狗還包括狗主。Elaine學到與狗狗相處之道及身體語言,從細微動作知道牠在想什麼,她說︰「事後啲人都讚我真係好,咁都無遺棄佢。呢個唔係好唔好問題,而係作為主人應該要做嘅嘢。」