張馳豪贏馬拉松2公里賽亞軍 胡定欣成陳山聰「背後女人」
香港文匯報訊（記者 余雁）港珠澳大橋香港段半馬拉松賽事昨早於港珠澳大橋香港連接路舉行，胡定欣、陳山聰、張馳豪（Aska）、黃庭鋒、曾錦燊參與2公里榮譽盃；而陳敏之及其兒子雷子樂則出席支持「親子MAX Fun一起跑」活動。
Aska勇奪2公里榮譽盃亞軍，除了歸功於近期為Hyrox賽事操練體能外，笑言全靠一個「生理原因」，他說：「因為終點才有廁所，一路跑一路想快啲去廁所。」結果成功衝線奪得亞軍。
胡定欣昨早成了陳山聰「背後的女人」。她本身打算邊跑邊打卡，結果上橋後發現天都未光，幸得山聰帶領，順利完成賽事。
黃庭鋒自言近期忙於為無綫台慶綵排，根本無暇練跑。曾錦燊亦笑言，因不少《東張西望》女主持忙於練舞及練跑，自己要瘋狂「頂更」兼開工，故同樣零訓練上陣。
陳敏之表示，有意參加 2 公里榮譽盃，但因囝囝年齡關係，所以只能參與「親子MAX Fun一起跑」活動，不過會考慮明年拉着老公一齊跑。
陳山聰指伍詠薇回復開朗
提及伍詠薇（伍姑娘）日前在其網台節目自揭曾患抑鬱症，陳敏之表示：「其實抑鬱病好多都市人都會有，我自己都有過，即係我媽咪差唔多兩三年前離開咗我，其實我嗰段時間都有抑鬱，我都唔覺得係一個要避開嘅話題，反而係要share我點樣𠵱家好返。」陳敏之透露當時有與伍姑娘丈夫練海棠保持聯絡，亦有在背後默默關心對方，唯當時自己亦經歷太多事情，有點分身不暇。她說：「嗰時我媽媽走咗，我又要照顧小朋友，真心講，我連自己都搞唔掂。你問我係咪唔夠關心佢？可能係，但當時我自己都好需要人關心。」陳敏之認為情緒病並不是一個忌諱的話題，伍姑娘如今能公開談論，足見已痊癒，望大家不用擔心。
陳山聰也透露一直有關心伍姑娘：「咁一定有關心佢，如果係患情緒病的話，可能佢又唔識點同人去講。𠵱家佢願意分享，即係冇事，近排我同佢做嘢，佢都好開朗、好開心，變返以前大家識嘅伍姑娘。」
