挑選服裝小貼士
萬聖節要融入氣氛，又不想專門買一套只穿一次的Cosplay服裝？其實只要識得揀色、識得配搭，好耐無穿的櫃底衫一樣可以變出高級又有氣氛的萬聖節造型！黑色同白色是萬聖節最百搭的顏色。全黑造型可以走型格女巫、小惡魔路線；白色連身裙或白衫就有幽靈、骷髏感。如果嫌黑白太素，可以加入南瓜黃或者紅色單品，例如黃色針織衫、橙紅襪仔或頸巾。只要一件亮色單品做重點，就已經好有萬聖節feel。衣櫃入面有蕾絲領或者花邊裙就最好，蕾絲元素帶少少復古同暗黑浪漫感，配黑色連身裙或者白襯衫都好適合，影相會特別有氣氛。用舊衫就不用心疼整污糟，放心大膽玩了！
