被林峯笑食極唔肥 阿Sa：只係遮得住
備戰演唱會開始操練 盼手臂練出線條
蔡卓妍（阿Sa）昨日以形象大使身份出席「莎莎婦女銀袋日2026」記招時，以粉紅露腰裝現身，被問是否以此闢謠懷孕傳聞，她笑指沒刻意這樣做：「好正常，條腰一係露，一係唔露！」她又透露Twins 12月演唱會的備戰情況及「飛債」煩惱。
阿Sa表示，Twins於12月中開演唱會，但她尚未回復最fit身形，因一直在拍電影《食住上》，戲中她演食評家，停不了要吃；本來每日開工15小時，難得有日早收，林峯即找她吃Omakase，她本想爭取時間陪老公，結果也帶老公一同去吃飯。林峯笑言羨慕她「食極唔肥」，阿Sa苦笑稱是自己「只係遮得住」。
為準備演唱會，阿Sa已開始操練，直言不追求好瘦，但仍希望手臂練出線條。記者笑問是否由健身教練老公負責設計鍛煉計劃，她說：「叫咗佢，也開始做，只係我個嘴唔太聽話，會忍唔住食嘢，努力緊儲脂肪，等老公幫手消滅，不過佢都唔鍾意我太瘦！」
曾被臨時加戲壓力大生風癩
阿Sa最近亦苦惱「飛債」，除自己演唱會外，不少朋友也託她訂容祖兒演唱會門票：「真係一波未平，一波又起，自己嘅未搞得掂又被狂追阿祖（容祖兒）啲飛。我已經謝絕訂其他公司嘅飛，依家都要幾百張，我只係話寫低但唔敢承諾實有，真係要搵老闆，我攞10張出嚟都難，都唔敢煩阿祖本人。」
談到近期傳出《璀璨之城》張曦雯和陳瀅被臨場加戲、加大尺度拍脫衣戲等，阿Sa坦言拍戲從未遇過這要求，只試過拍電影《神探》時到現場才被加跳海和槍戰戲：「我本身畏高，但劇本啱劇情，都跳咗，不過之後一年半個身都起風癩，因為壓力，但都係一種經歷同成就。」
