朱仔摸勻金鐘國 大讚汗後有體香
高海寧（高Ling）、周嘉洛、朱敏瀚（朱仔）早前親身前往首爾拍攝旅遊節目《Grand住去首爾》，昨日三人現身將軍澳電視城出席記者會，除了分享節目拍攝期間的趣事，三位主持即場重現節目中的搞笑場口，朱敏瀚即場表演只用口剝蝦的絕技，兩男主持又即場操肌，三位主持更復刻高海寧於節目中和韓國型男進行陶藝活動的場面。節目更罕有邀得韓國男星金鐘國亮相。
朱敏瀚透露節目中獲金鐘國教做gym，笑言自己是香港第一個「摸勻對方金身」的人，又大讚對方連流完汗都充滿體香。他表示有睇對方的《Running Man》，難得見面當然趁機跟對方合照，「最難得佢個人真係很好，冇嗰個距離感。」周嘉洛笑言自己是為了節目效果都有摸金鐘國，「因為我哋都好熱情，同埋真係又掂晒佢，佢都冇一個話反感或者係覺得『喂你適可而止喎』，都ok嘅。」當日無份拍攝高Ling的慨嘆自己錯過了機會。
