彭馬被逐 熱刺贏車路士見進步
熱刺昨晨在英超倫敦打吡戰，作客以2:0擊退車路士。熱刺此役完全掌握主導權，並憑藉對方門將彭達斯的「烏龍球」與鋒將馬菲斯泰爾的入球取勝，時隔5個月再錄得聯賽連勝。車路士在落後一球時，主力高爾彭馬因兩黃變一紅被逐，雪上加霜。
熱刺主帥迪沙比賽後讚賞球隊已漸趨成熟：「今場對球迷、球會同球員，都係一個重要時刻。佢哋配得上呢場勝利，球隊賽前準備非常充分，我哋嘅戰術風格亦有好大進步，已經成為一支完整嘅球隊。」
左閘安德魯羅拔臣亦直言此役展現了教練的招牌戰術：「今日真係睇到我哋嘅風格，只要跟住落嚟持續實行，就係未來要走嘅方向。球隊今場喺控球時游刃有餘，能從容應對對方高位壓迫。喺無球狀態下，我哋都展現出極強侵略性。」車路士領隊沙比阿朗素則對戰果失望，但拒絕歸咎個別球員：「我理解每個人處境，輸波係成隊嘅事，係團隊嘅責任。」
此外，阿仙奴主場迎戰愛華頓的雨戰中，開賽僅7分鐘便憑藉角球攻勢，由新加盟的中堅安斯干沙混戰中近門射入先開紀錄。易邊後至68分鐘，另一中堅加比爾馬加希斯接應賓韋特傳中頭槌破網，為「兵工廠」鎖定2:0勝局。
