艾華利斯向馬體會球迷道歉
西甲勁旅馬德里體育會於香港時間昨晨聯賽，憑前鋒祖利安艾華利斯取得全場唯一入球，主場以1:0小勝拉科魯尼亞，賽後艾華利斯終就今夏轉會風波，向馬體會球迷道歉。
艾華利斯今夏為了轉投巴塞隆拿，曾公開與球會鬧翻，更揚言球會不應強留自己，但由於馬體會強硬阻止有關轉會，艾華利斯最終無奈歸隊，但初期難免不停被部分馬體會球迷報以噓聲。
隨着時間一日一日過去，艾華利斯似乎終於「想通」，專心一意為馬體會作戰，更已連續兩場取得入球。賽後，這位阿根廷國腳首度向球迷道歉：「如果換咗我係球迷，亦都會對呢件事感到不滿。我明白自己喺今年夏天嘅事件中，處得手法真係做得唔好，因此好想借呢個機會，向球迷講聲對唔住，並感謝佢哋多年來支持，以及事件發生以來對我嘅包容。」
