自言工作從不「渣流灘」 羅樂林永不言休
香港文匯報訊（記者 梁靜儀）無綫昨日舉行《2026年下半年度傑出員工嘉許計劃頒獎典禮》，其中藝員部得獎者是羅樂林。羅樂林在台上談到得獎感受，他說：「我入行50幾年，我覺得我真係冇『渣流灘』（意指敷衍了事）。」他又稱加入公司37年，多謝高層曾勵珍給予他很多工作機會，笑言相信對方都會滿意他的「成績表」，還有高層樂易玲，相信對方對他的工作表現會收貨。
曾與羅樂林合作處境劇《愛·回家之開心速遞》的演員樊亦敏、林淑敏、蘇恩磁、許家傑及何晉樂，亦有攜同鮮花及蛋糕祝賀羅樂林得獎及為其預祝本月20號生日。至於滕麗名、周嘉洛、陳浚霆及姚瑩瑩雖未有到場，但拍片祝賀。
羅樂林表示得獎感到很開心。問他如何慶祝？他說：「冇㗎，我係好低調，幾個女又要做嘢，我話唔緊要，得閒先啦，同埋呢個月我生日，跟住有好多朋友，好似大小姐（林淑敏）又生日，之後都會約一齊食飯。」
他表示跟TVB有合約。談到可有計劃退休？他說永不言休：「我又冇諗（退休）呢樣嘢，（永不言休？）我希望係，除非有一日唔郁得，但我身體OK，連近視都冇，因為我忍得口同我有做運動。」入行50多年，羅樂林表示從未試搞影迷聚會，亦未試過登台，而上次米雪開騷他也只是唱了幾句，他笑言因自己很懶。
