許志安重踏紅館 感激粉絲伴低潮
歌手許志安（安仔）相隔11年再踏紅館，今起（8日）舉行一連3場《On Stage》演唱會，他日前在社交平台分享開騷心情，並跟支持他長達40年的粉絲剖白心底話。
近日忙於綵排的安仔，片中指雖然擁有豐富的舞台經驗，可是再登紅館仍然會膽怯，「冇喺舞台一段時間，有啲歌好想搵啲機會唱畀大家聽，但要做啲乜畀你哋睇好，呢下我係好驚，擔心做得唔夠好，而我只能同自己講盡力做，盡力就係最好。」
他又感激粉絲多年來風雨同路，不離不棄，而能令他走過人生最低潮，則是多得身邊人及粉絲的「送暖行動」，助他在迷失中再找到人生方向，「過去嗰幾年，遇上去買飯盒時，夾多兩舊燒賣畀我，叫我加油嘅人；又有位喺跑步場度識嘅朋友，佢喺嗰度做咗年幾工程，因為成日見就大家傾吓偈，佢同我介紹買邊隻跑步耳機正。」他指人與人之間的普通交際，可能在別人眼中只屬微不足道，但就是這一點一點的溫馨鼓勵，才令他重回正軌。
