英軍派7蛋 比寧咸王者風範
克羅地亞慘敗 莫迪歷感羞愧
經過世界盃失利後，英格蘭火速重返正軌！昨晨歐國聯A3分組賽，作客以摧枯拉朽之勢，7:0狂炒東道主克羅地亞，踢出德國籍主帥杜曹上任以來的代表作。23歲皇家馬德里中場球星比寧咸，今仗交出一個入波及3次助攻，寫下33年神級紀錄，名副其實成為球隊真核心，盡顯王者風範。
英軍在杜曹帶領下，近期於歐國聯確立最佳進攻組合，除前線王牌射手哈利卡尼地位無可動搖外，右翼布卡約沙卡、左翼安東尼哥頓，已經連續3仗擔任正選，亦持續有上佳演出，3人昨晨亦同樣有建樹。加上復任正選的中場大腦比寧咸交出球王級表現，成為繼1993年對聖馬力諾的柏列之後，首位單場為英軍貢獻4個入球球員，幫助英軍取得一場精彩絕倫勝利。
開賽8分鐘，哈利卡尼即為英格蘭先開紀錄，到下半場亦攻入一球，令他代表英軍上陣已交出89個入球；阿仙奴翼鋒布卡約沙卡亦在45及68分鐘建功，加上安東尼哥頓、比寧咸及後備入替的摩根羅渣士各建一功，最終在半場已領先4球下大勝7:0。般尼茅夫中場阿歷斯史葛首度為「三獅軍團」上陣交出亮眼演出，與比寧咸及艾利洛安達臣合作的中場線攻守兼備，行軍流暢悅目。
杜曹：英格蘭踢出最高水準
英軍主帥杜曹賽後興奮地說：「恭喜我嘅所有球員，佢哋踢出咗我上任以來嘅最高水準！我喜歡呢種態度，每個人都由第一分鐘全心全意拚搏到最後，喺作客情況下，表現非常出色！最難得係當我哋大幅領先後，球員仍然抱住積極心態，完全冇停落嚟，只專注於將自己工作做到最好。正因為咁，我哋踢出咗一場無與倫比嘅比賽！」
相反，克羅地亞於主場吞下隊史最大敗仗，41歲球星莫迪歷眼見對手連番入球，顯得極度失望及無奈，結果只踢了57分鐘便被換走。莫迪歷賽後對這場敗仗深感恥辱：「我効力國家隊已經20年，今場首次喺比賽後覺得羞愧！比賽當然可以輸波，尤其遇上比你更強嘅對手，但以呢種過程同形式慘敗，葬送咗我哋多年來所建立嘅名聲，根本無法接受！」主帥比歷賽後表明願為這場敗仗承擔責任：「今場比賽係全隊集體失常，我接手球隊後發現唔少問題，未能及時解決，責任喺我身上！」
