夥經理人林寶玉赴米蘭 姚正菁參加時裝周圓夢
香港文匯報訊（記者 李慶全）姚正菁日前聯同經理人林寶玉赴米蘭參加時裝周活動，二人到埗後更立即到米蘭主教座堂打卡。林寶玉表示，近年多參加時裝周活動，今年獲數個品牌邀請出席活動，更有計劃進軍時裝界。
這次遠赴米蘭除參加時裝周活動，林寶玉雖然身穿品牌型格服飾，但身為經理人的她一點也不錫身，更化身攝影師不停瘋狂影相，她說：「因為菁菁嘅新歌派台在即，我要幫佢影好多嘅相做宣傳， 所以無時無刻佢都要做我嘅Model，完全冇得放鬆。今次呢個Trip畀人『抄牌』邀請我拍廣告，起初我都以為係搵藉口識女仔，加上要趕住睇騷交換完卡片就走，後來佢真係店舖員工，送咗好多小禮物畀我同工作人員，但唔知拍廣告係唔係真啦。」
姚正菁則非常享受「工作模式」，認為參加時裝周令她大開眼界，她坦言：「我哋舊時邊度有呢啲活動參加？上世紀八十年代只係阿姐嗰啲級數可以去外國Fashion week㗎，我哋只係可以睇雜誌流口水，真係估唔到，幾十年之後經理人幫我圓夢。為咗今次米蘭之旅，我戒咗口成個星期，先穿到時裝界『標準』size，終於明白我同瘦係有幾大嘅距離！」
