否認秘戀宋雨琦 王嘉爾自言單身追事業
香港文匯報訊（記者 梁靜儀）王嘉爾前晚以「創意總監」身份現身主題樂園的「哈囉喂」活動，並上台介紹其主理的原創奇幻 IP世界主題打卡及休閒區，他又笑稱自己只是個打工仔。
隨後，王嘉爾受訪時自爆以往萬聖節，都愛偕同心儀對象去主題樂園玩，在等排隊期間跟對方談人生，所以好難忘。被問到他帶過幾個女生去「哈囉喂」？他坦白說：「我帶過兩個，唔係一次性，一位係成功咗，之後就每年同佢嚟，（另一個為何不成功？）因為我做醫美之前唔係咁。」當記者問他今年會否和朋友去「哈囉喂」？他回答：「今年都會去，（女朋友？）帶你嚟好唔好？」
近日有傳王嘉爾與韓團i-dle中國籍成員宋雨琦秘戀7年，更早已見過家長，王嘉爾否認戀情：「係冇嘅，好多人都見過我父母，但佢冇。（現在單身？）我係，過咗30（歲）之後，我在乎的就係事業，（父母都會着緊？）冇，我阿哥個女都9歲，所以冇乜壓力。」他坦言私下有跟宋雨琦溝通，但沒有討論過緋聞。問到宋雨琦是否他那杯茶？王嘉爾秒答：「唔係！如果係，一早就追咗啦。」
視劍擊為最佳減肥法
說到今年亞運，王嘉爾表示有留意「劍神」張家朗的表現，至於其父曾當過劍擊教練會否特別緊張？他說：「佢已經退休，得閒就睇，唔睇就唔睇。」問曾是劍擊運動員的他可有技癢？他表示平時也有打劍擊，認為是最好的減肥方式：「我覺得跑步有啲悶，劍擊係一個遊戲，玩嘅時候又着咁多衫，玩一個鐘其實900卡路里都已經燒咗。如果身在韓國，就有一啲前國家隊朋友陪我打。」至於他又可想做劍擊教練？他謂以前曾做過，但沒有收錢。說到張家朗考慮告別亞運，他又會否替對方感到可惜？他說：「唔會，佢已經係我哋嘅驕傲，日子總係要過嘅，（可有考慮同對方合唱闖娛樂圈？）唔好搞佢啦。」
談到他簽約的新公司Roc Nation有多位頂級歌星，他直言：「其實冇乜用，睇吓你做啲咩project出嚟，呢個重要啲。其實幫到我就係個經理管理系統，所有嘢乾淨咗，我只不過係個打工仔。」
另外，他又透露有意在香港開騷，問到想挑戰哪一個場館時，他笑說：「睇吓邊個場館願意接受我。」
