演唱會尾場唱到哽咽 淚灑紅館 校長與華仔克勤世紀合唱《我在意》
譚詠麟一連十場《譚詠麟與您「刻骨銘心」世界巡迴演唱會——終極篇》前晚（22日）於紅館圓滿落幕，全場爆滿。劉德華、李克勤、陳百祥夫婦、張智霖夫婦等大批圈中好友到場支持。譚詠麟狀態大勇，唱到《講不出再見》時感觸落淚，更與劉德華、李克勤世紀合唱《我在意》，場面感人。他創下個人202場紅館紀錄，坦言不捨，並預告巡唱將移師馬來西亞。●香港文匯報記者 梁靜儀
來到尾場，當晚全場爆滿，歌迷歡呼聲不斷，校長狀態依然大勇，指最後一場自己也不捨得，又笑言這晚沒有校規，呼籲大家起身，但要注意安全。校長越唱越起勁，唱完《魔鬼之女》後，他將戴住的墨鏡拋給座上的胞妹；唱到經典快歌《愛情陷阱》時，校長更遞咪給契仔關楚耀對唱。
劉李齊求校長繼續唱
當校長介紹演唱會主題曲《我在意》時，見到為歌曲作詞的劉德華和李克勤在台下，即邀請他們上台合唱。台上校長再次答謝華仔和克勤為他度身訂造歌曲，又說：「我覺得呢隻都係代表佢哋心聲，對返佢哋自己嘅歌迷。」再望住華仔說：「有朝一日你唱呢隻歌唔好喊𠻹。」怎料反被華仔和克勤一唱一和，華仔說：「你陣間唔好喊呀。」克勤接着話：「我今日冇喊，我等你喊。」華仔更懇求說：「我代表全場所有人求你，你繼續唱啦，大家都在意㗎。」
之後校長跟華仔和克勤來個世紀合唱，唱出《我在意》，全場即時起哄，當校長唱到最後一句「見你面是緣最重要」時，他熱淚盈眶哽咽把歌唱完，而華仔亦忍不住眼濕濕。視校長為偶像的克勤就有感而發說：「我嘅感觸好大，因為好多年之前，我同好多歌迷一樣，房入面有校長嘅poster，佢嘅歌陪住我哋長大，我好好彩有機會可以同校長一齊做演唱會，聽到每隻歌都有好多嘅回憶，多謝你！」
校長又回憶當年為華仔創作第一首歌曲《下雨晚上》，並承諾12月華仔紅館演唱會時他可擔任嘉賓親自演繹這歌。之後三人再合唱一曲《朋友》並相擁，克勤臨落台前再搞笑說：「今晚唱耐啲唔怕啩，唱唔過12點唔似尾場，罰少少錢唔怕，華仔會畀！」華仔即豪爽答應，校長則笑指二人是「百厭星」。
譚詠麟頂住淚水唱到尾
校長之後演唱完《藝海浮台》後，有感而發地表示：「自己啲歌曲能承載着大家的青春及回憶，可能已遺失或者遺忘，但趁着呢次演唱會大家一齊打開呢個『回憶保險箱』，其實呢啲所有嘅片段都會一直保存喺心入面，跟住我一句句唱出嚟，享受一下當時你哋青春嘅片刻。」唱到演唱會尾聲時一直強忍着淚的校長，終忍不住流下男兒淚，並雙手合十感謝歌迷說：「我會永遠記住呢刻！」最後還向全場送上飛吻，為演唱會畫上完美句號。不少歌迷亦跟住校長一齊喊，場面感人。
演出後他在後台舉行記者會，大會先送上寫上「圓滿成功」的蛋糕慶祝。縱橫樂壇逾半個世紀的校長，創下了個人202場紅館紀錄，校長說︰「我入行都冇諗過唱歌唱咁耐，成為終身事業，係好唔捨得。」說到他在唱《講不出再見》時落淚，校長稱已一直在頂住︰「因為若有淚水流落聲帶，會影響演出，好難唱到個Key，所以一直頂住，頂到最後。」談到這次演唱會令他最刻骨銘心的，除了事前準備了200首歌，還有密集式排練亦令他相當難忘：「每朝10點前已經跑完幾公里，下午2點練歌到六七點，之後再排舞，返到屋企連夢都發唔到就瞓着。」
提到劉德華及李克勤上台合唱，校長表示事前並不知道華仔會來欣賞，對於華仔多次懇求他繼續唱下去，校長就笑說︰「我自己好有紋路嘅，之後仲有百幾場巡迴要唱。」校長又透露巡唱原定以上海為首站，但因場地問題，現改為11月在馬來西亞舉行。
