關智斌感冒開騷 靠意志頂硬上
關智斌（Kenny）日前於廣州舉行演唱會，但原來演出當晚Kenny患重感冒照上陣，最後靠意志完成演出，耐力驚人。Kenny於show後開直播跟fans互動，透露演唱會籌備階段訓練強度極高，健身、核心訓練及鋼管舞練習排得密密麻麻，結果在總綵排結束後，突然頸部肌肉劇痛、頭暈，然後更感冒，「之後有針灸、打坐、食藥調理，好彩喉嚨冇乜事，最後靠意志完成綵排。」
除了感冒，綵排前亦發生一段小插曲，Kenny憶述「綵排前食咗感冒藥瞓着咗，醒番嘅時候發現髮型師剪短咗自己啲頭髮。同呢位髮型師合作咗好多年，多數都係等佢自由發揮，有時鏡頭下效果同想像嘅唔一樣，但影出嚟嘅時候又會呈現到驚喜效果，咁我都覺得短頭髮嘅效果唔錯，哈哈。」
嘉賓方面則有Twins，三人合唱《小酒窩》。Kenny說：「阿嬌原本放假，都特登搭飛機趕返嚟；阿Sa第二日一早就要開工都堅持到場。」稱讚二人十分有義氣。
