英聯盃主場被反勝 曼聯遭噓爆
昨晨英聯盃第3圈，主場出擊的曼聯再被羞辱，在兩球領先優勢下被白禮頓連追3球反勝，開季至今僅6戰已輸3場。球證鳴完場笛一刻，奧脫福球場噓聲四起，領隊卡域克賽後批評球隊的演出並表明承擔責任。
兩軍今仗都作出大幅輪換，曼聯在開賽僅10分鐘，已由小將舒亞拉斯及美臣蒙特分別建功，以2:0領先，滿以為勝券在握。不過作客的白禮頓再次顯示強橫火力，最終憑高斯杜拉斯、柏斯高哥斯及迪古柏各入一球，戲劇性地以3:2反敗為勝。
這是近42年以來，曼聯首次在主場半場領先下輸波，卡域克賽後在球迷噓聲下回應：「今場表現差到唔可以接受，我當然要負責，尾段被反超前係我嘅問題。呢一刻感覺的確唔好，但我唔覺得有壓力，只係關心點樣盡快重拾勝軌！」
