泰星Becky首來港工作 馮允謙讚其專業 欲邀做個唱嘉賓
香港文匯報訊（記者 梁靜儀）泰國女星Rebecca Armstrong（Becky）與馮允謙（Jay Fung）昨日（15日）到尖沙咀出席服裝品牌秋冬系列發布活動，二人更即場合唱。首次來港工作的Becky獲大批粉絲到場支持，拍照期間又不斷派心兼送飛吻，表現親切。她表示之前也曾來港，但以工作身份到訪則是第一次，見到大家如此熱情，感到非常開心。她用廣東話自我介紹：「大家好，我係Becky！」又透露將會推出新歌《Unsaid》，隨後更與Jay Fung合唱了一段。
Jay Fung表示，去年在泰國的時裝活動曾與Becky見過面，當時沒時間傾談，只影了一張大合照；之前看過對方網上平台的影片，卻不知道她唱歌也如此好聽，今次有機會合唱覺得好難得。他大讚Becky專業：「喺後台我見到佢好用心keep住練，我哋用咗唔同方法去試，令效果出到嚟好好聽，好專業，同埋因為佢得23歲咁細個，做戲又咁叻，所以喺佢身上都好多嘢，若自己開騷都想佢做嘉賓，Becky都有答應。」
提到他也曾拍電影，問到可有介紹給Becky看？Jay Fung笑言不夠膽，怕會尷尬：「若要我介紹自己係演員，我會覺得自己做戲未到嗰個Level，所以唔夠膽講出口；人哋睇咗就睇咗，唔使講出口。」
問到Becky是否有教他講泰文？Jay Fung笑稱以為自己識講泰文，但剛才跟Becky傾談時，講了一個關於食物的泰文，Becky卻聽唔明他說什麼，原來自己講的是馬來西亞文。他又笑言跟對方擺心心甫士時，忘記她其實不懂廣東話，但一直講「心心」，之後要做手勢對方才明白。
