列斯聯大勝升第3 英超夜波之王
英超「最佳黑馬」列斯聯，昨晨延續開季不敗強勢，主場4:1大炒今夏遭逢大變的紐卡素，除進佔聯賽榜第3位外，更成為「夜波之王」！該隊近24仗英超主場晚間賽事，取得20勝4和不敗佳績，成為英超列強的「晚間噩夢」。
列斯聯今仗贏得輕鬆，上半場田中碧與卡維特利雲攻門分別省中敵衛改變方向入網，加上對手守將積頓保利烏龍球，半場已經領先3球。易邊後再有諾亞奧卡科錦上添花，尾段遙遙領先的列斯聯收起多名主力，才讓紐卡素新箭頭巴索馬拿托尼破蛋。列斯聯領隊丹尼爾法基賽後自豪地說：「如果逐個秤，列斯聯球員嘅個人質素唔算最好，不過我哋組合埋一齊就成為一支出色嘅團隊！呢場係我哋今年嘅最佳表現，值得嘉許！」列斯聯至今4戰2勝2和不敗共得8分，以得失球差壓住神奇升班馬侯城位列第3，球隊未來3仗，分別為主場對水晶宮、作客挑戰阿仙奴及主場鬥曼聯。
