熱刺繼續「零」 迪沙比道歉
今夏花費逾3億鎊增兵的熱刺，開季後成績依然故我，昨晨主場0:0悶和愛華頓，英超4戰未贏過兼零入球，目前只得兩分排在「最熟悉」的第17位，與上兩季最終排名一樣，自然令捧場客失望。
由於比賽過程沉悶，電視直播畫面經常捕捉看台上的熱刺球迷，當中兩位女球迷手持紙牌，上面寫着：「請射入一球！」如此簡單的要求，熱刺眾將亦未能做到！今仗控球時間雖然較多，但具威脅攻門反而比客軍愛華頓更少，新帥迪沙比賽後道歉：「我要同球迷講對唔住，佢哋落力為球隊打氣，我哋最後被噓好正常！不過現時熱刺並唔係處於困境，上季幾乎降班至係困境，依家只係重建中。球隊頭30分鐘踢得好好，但暫時未能持續，如果可以維持到60或者90分鐘，熱刺會入好多波！」
