《老表》自助餐戲成經典 阿Bob細細粒大談幕後趣事
香港文匯報訊（記者 達里）訪談節目《一周星星》今集請來「金牌媒人」林盛斌（阿Bob）與「帶貨女王」陳嘉佳（細細粒），大談2014年的劇集《老表，你好Hea！》經典場面背後不為人知的秘密，並為阿Bob全新個人世界巡迴棟篤笑《BOBMAN 搏命先生》宣傳。
酒店圓枱以「Vivienne」命名
2014年《老表，你好Hea！》中郭寶（林盛斌飾）與Vivienne（陳嘉佳飾）馬拉松式吃自助餐經典一幕，至今仍是網民集體回憶。阿Bob笑言：「呢場戲係從來無間斷喺我同細細粒嘅生活圈出現緊，我諗總瀏覽量一定唔知過幾多億。叫Vivienne嘅女仔係會好主動走埋嚟同我講，『你好，我叫Vivienne，幾時同我食自助餐』。」當年在酒店拍攝這一場戲的圓枱，更被命名為「Vivienne枱」，細細粒更自誇：「我覺得自己好勁。」而成就這一幕經典誕生的王祖藍亦隔空邀功：「佢哋兩個CP值非常之高，到今日啲人仲轉發緊呢段戲。」
細細粒主動搵阿Bob介紹姻緣
節目中亦重溫另一段經典畫面「拔罐咀戲」，阿Bob坦言當時拍得肉緊，編劇寫的時候已經寫了整個畫面出來，真的錫到口水鼻涕齊全。當被問到是否一個接吻好對手，阿Bob笑道：「我錫嘅時候感覺到細細粒都係有少少歷練，先至會錫得到嗰種效果。」細細粒就自揭驚人秘密，語出驚人地說：「我感覺到Bob係有禮貌嘅錫，我以為你條脷會伸入來。」引起全場爆笑。
提到有「金牌媒人」稱號的阿Bob曾幫助不少圈中人覓得真愛，細細粒自爆曾主動找過阿Bob介紹對象，阿Bob坦言有盡力幫忙：「我有將佢嘅相或者故事話畀我身邊我覺得有機會可以撮合嘅朋友，有時緣分未到就未到。」而細細粒亦公開擇偶條件，要求非常簡單，不要有老婆就可以。
