群星到賀《歡迎來龍餐館》香港首映禮 許鞍華：AI慳錢慳力 但難取代電影
導演許鞍華（Ann）、田啟文、朱晨麗及陳庭欣等前晚（7日）出席《歡迎來龍餐館》香港首映禮。許鞍華談及獲釜山電影節「山茶花獎」感受之餘，亦認為 AI 製作未必會搶演員飯碗；田啟文透露正嘗試 AI 短劇製作；約滿無綫的朱晨麗首度開個人騷，否認轉型當歌手，並澄清婚訊純屬謠言。
●香港文匯報記者 梁靜儀
許鞍華早前獲得第 31 屆釜山國際電影節「山茶花獎」，她受訪時笑言：「今次攞比以前高興，因為變老了一點，更加名正言順。」她透露頒獎禮當日會出席，現在還有精力去領獎。被問到會否繼續拍戲，她坦言仍想拍，談及市道低迷，她即說：「其實話電影差已經講咗 30 年，但一樣有得拍。大氣候冇辦法，但心態一定可以改變。唔好咁沮喪，𠵱家好多電視劇、電影要特別題材先吸引到人。」談到 AI 熱潮被指搶演員飯碗，Ann 認為未必：「最近有套AI同真人混埋一齊拍嘅電視劇，觀眾都會好奇想睇。我唔抗拒用 AI 製作，可以慳錢，又可製造噱頭，演員亦可慳力，但 AI 製作唔能夠完全取代電影。」她強調會用正面態度面對潮流。提到曾合作的湯唯誕子，Ann 替對方高興，有機會亦想再合作。
田啟文表示前來取經：「套戲咁收得，要嚟學嘢。好嘅要學，唔好嘅都要學。」他最近完成電影《天光戲》，稍後將拍賀歲片，也想改變戲路，正嘗試 AI 短劇的製作方式。談到近期多齣內地劇集爆紅，他坦言未有時間研究，但有陪太太追看鍾漢良主演的《蜜語紀》。
朱晨麗否認轉型歌手
陳庭欣（Toby）與好友朱晨麗（朱朱）一同受訪，兩人指有個朋友 Group，不時相約食飯。早前約滿無綫的朱朱，日前在廣州舉行首個個唱，她否認轉戰當歌手：「只係想突破自己，覺得當歌手好好玩，但亦有難度。」對於網民指她未有代表作就開騷，她認為正常：「個騷有唱翻唱歌，同唱咗首未發布嘅國語歌《你的微笑》，都係啱啱開始，凡事由零開始。」她透露正洽談不同工作，初期遇上不少困難，多得身邊朋友幫忙。
對於早前傳出婚訊，朱朱笑說：「連我都唔知喎，呢啲謠言唔好傳，之前都講過有個圈外了解中嘅男性朋友。」Toby 表示不知好友有了解中的對象，並以過來人身份勸她要長時間了解對方，更坦言後悔沒參加《女神配對計劃2》，相信林盛斌會暗中幫她篩選，不過她暫不急拍拖，因之後將參加國際匹克球比賽，盼有好成績。
