養馬年花百萬無回報保證
劉栢輝稱，銀彈充足是馬主必定條件，他坦言：「買馬同做生意，只要你嘅現金流可以夠生存，你就有希望反敗為勝。」養馬是一場豪賭，單是馬匹飼料費、醫療費就是一筆不菲的開支，劉栢輝表示每月花六萬至八萬元養馬，曾最高一年花100萬元養馬，但他的付出無回報保證，「匹馬贏一蚊獎金抑或贏一億（元）獎金，我都係要花呢筆錢養佢。」
當愛駒身體不適，劉栢輝的荷包勢必「大出血」，他用雙手比劃着：「個張賬單就好似去私家醫院，係咁長！50個Item（項目），一塊紗布都有，一兜蘿蔔就60蚊，總之就係六萬至八萬元埋單，冇走雞！」
儘管養馬猶如養吞金獸，劉栢輝仍樂在其中，「因為我買馬換嚟開心、成功感，而呢啲係冇一個數字，真係要計算，就係得到遠超十倍嘅無形回報。」
