梅啟明稱申禁令阻梅媽火化
已故香港天后梅艷芳（阿梅）的母親覃美金「梅媽」早前離世，曾被梅媽登報切斷母子關係的長子梅啟明昨日現身記招，反對由姪仔處理後事，強調要讓母親風光大葬，預計需花費約150萬元，更表明向法院申請禁制令，禁止火化母親遺體：「阿媽個遺體，梗係唔畀佢郁啦！同埋阿媽又怕火，佢老人家要入土為安，阿媽嘅心願就係咁。」
他又批評姪仔別有用心，並對母親的死亡存疑：「如果一個人唔係有壞心思，點解唔係同我商量，要咁急去（火化）？第二，阿媽正式冇氣嗰陣喺間屋度，我質疑緊呢樣嘢，依家有冇遺囑都係一個問題。」他又強調從未拿過阿梅一分錢，又指若日後得到母親遺產，亦會全數捐出。
