張衛健恨多頭髮 心淡被安仔Cut飛
張衛健（Dicky）、伍富橋及林奕匡等前晚（5日）《愛心滿東華》慈善晚會擔任表演嘉賓。張衛健獲委任「愛心之星」，他呼籲不論是慈善晚會、社區會堂或街上賣旗，只要自己能多出時間、天賦、知識或金錢，總可幫助別人。被問到自己最多的是什麼，他笑說：「不如講我恨多什麼，我最恨多頭髮，現在睇韓劇，阿媽總在說『看那個大叔頭髮多到呢，真係好靚仔』，20幾歲時真的好需要頭髮，但現在光頭已成個人形象，也是好事。」
談及許志安（安仔）下月初紅館開騷，會否擔任嘉賓？Dicky笑說：「不用啦，人家都一票難求，有毛有翼得啦，自己飛啦！」問到有否留飛給他，他繼續開玩笑：「當然有啦，我要的飛Cut掉我一半，都叫有嘅。」是否友情經不起考驗？他笑稱已心淡：「他畀五折我，我再打回他五折，得番二五折！」但他之後認真指，看見安仔10多年後再開騷替老友高興。
