陳自瑤圓新疆夢 生日女兒送驚喜
陳自瑤（YoYo）昨日（1日）到尖東出席乳酪品牌活動，談到她日前45歲生日在社交平台晒出一組極具異域風情的寫真靚相，化身「西域公主」。YoYo指當時是去新疆工作，透露從小就非常希望能踏足當地，這次終於一圓心願。儘管當地天氣高達50多度，她要身穿數層長袖厚衣服進行拍攝，而且工作完畢後十分疲憊，但堅持要拍完這輯照片，笑言「好彩我嘅抗熱能力還可以」，成功圓夢感到非常高興。
YoYo又指女兒好懂事，生日當天自己尚未起床，但女兒已精心準備了連串驚喜：「佢一早起身煮定一份好靚嘅意粉，插住蠟燭畀驚喜我，又將我哋以前嘅合照畫成素描畫送畀我。之後仲話要出街買嘢，然後買咗個蛋糕同一紮花返嚟畀我！」問到老公王浩信是否有送上生日祝賀，YoYo表示：「大家都好忙，我成日都唔喺香港，佢又好忙。（Message講聲生日快樂呢？）都有嘅。」她指示生日願望是身體健康，並希望嘗試多些不同性質的工作。
