姜皓文與張家輝新片演兄弟 重現《激戰》默契擦出火花
香港文匯報訊（記者 阿祖）由資深監製張婉婷夥拍新生代導演黃綺琳與黃鐦聯合執導的「薪火相傳計劃」力作《我阿爹想旅行》將於10月15日上映。電影近日曝光多張全新劇照，姜皓文、MIRROR成員邱士縉（Stanley）、楊雅文及伍允龍等一眾演員造型及戲中角色逐一亮相，當中姜皓文與張家輝再度於大銀幕演兄弟，充滿默契的對手戲成為電影其中一大亮點；而Stanley今次亦首度挑戰古裝造型。
姜皓文透露，最初接拍《我阿爹想旅行》時，希望可以再次與張家輝合作：「我記得最初接呢套戲，我唔係做呢個角色㗎。當我睇完劇本，我有考慮過同導演自薦去做另外一個角色，因為好耐都冇同家輝合作，都好想再搵一個好玩嘅角色撞吓。」豈料其後收到導演電話，通知他改演張家輝的兄弟，姜皓文直言喜出望外，更笑言兩人再次合作，立即找回昔日《激戰》的默契：「點知再收到導演電話換角色，做家輝嘅兄弟，我不知幾開心！」回想兩人在《激戰》中的經典對手戲，姜皓文坦言：「我夠膽講冇人可以撞得返喺《激戰》入面賤輝同太歲（二人角色）嘅戲，我哋嘅火花好奇妙。唔使多講，大家一個眼神就會知道下一步反應點做。」
他形容兩人於現場的合作非常自然，往往不需要太多溝通，已經可以即興碰撞出不同火花：「喺拍攝現場好自然就會撞到唔同嘅橋出嚟，係一個好好嘅化學作用。今次感覺大家都成熟咗好多，一撞返啲橋，回憶即刻返嚟，嗰種默契真係好難形容，總之好好玩！今次呢套戲係另外一種感覺，比起《激戰》裏男人嘅浪漫，只可以話有增長而無減到。」雖然戲份並不算多，但姜皓文認為每一場戲都能夠充分發揮兩人的兄弟情。
