熱刺英聯盃大勝 第3圈硬撼紅軍
今季大事增兵的熱刺，經過首輪聯賽0:3慘敗於賓福特後，昨晨於英聯盃次圈一洗頹風，大破英冠球隊查爾頓順利晉級。熱刺今仗強陣出擊，上半場已由小將米基摩亞及蘇蘭基的入球以2:0領先。換邊後再有奇雲丹素頭槌破網擴大優勢，後備上陣的新兵沙雲奴更連過兩關勁射破網，加上賓戴維斯尾段埋齋，最終以5:1大勝查爾頓。
熱刺主帥迪沙比賽後大讚新兵沙雲奴：「今場大勝係對英超首戰失利嘅最強回應，沙雲奴踢出完美首演，以佢嘅質素絕對有力經常入波，我認為佢係世界上最好翼鋒之一，今季入球可達雙位數。」
不過，熱刺要再進一步卻非易事，經抽籤後第3圈將作客硬撼「紅軍」利物浦。英聯盃第3圈尚有兩場英超對決，曼聯主場對白禮頓，阿仙奴將作客葉士域治。
