曼聯隊長般奴膺英格蘭球員先生
PFA頒獎禮阿仙奴5將入選最佳陣容
職業球員協會（PFA）年度頒獎禮，於英國時間周二晚舉行。曼聯隊長般奴費南迪斯，榮膺由球員投票選出的「年度最佳球員」（英格蘭球員先生），表現獲同行肯定。上屆贏得英超冠軍的阿仙奴，共有5名戰將入選「年度最佳陣容」。
雖然阿仙奴贏得了英超冠軍，曼城神鋒艾寧夏蘭特則以27球榮膺聯賽神射手，但上季交出21次助攻，打破亨利和奇雲迪布尼共同保持紀錄的般奴費南迪斯，依然在由球員投票選出的「年度最佳球員」獎項中脫穎而出，除了成為繼C朗拿度（2007年和2008年）後，第2位獲獎的葡萄牙球員；亦是自朗尼後，曼聯相隔16年再有球員獲獎。般奴亦順利入選「年度最佳陣容」。
由妻子Ana Pinho陪同，並在前曼聯隊友桑馬達手中接過獎項的般奴，在發表感言時表示：「呢份榮譽意義非凡，投票畀我嘅，都係每星期喺球場上交手嘅同行，得到佢哋當中絕大多數人認可，絕對彌足珍貴！」談到獲獎原因時，般奴則直言剛過去球季是他加盟曼聯，表現最佳的其中一個球季：「喺數據層面分析，我打破咗塵封多年嘅助攻紀錄。實際上，呢個的確係我嘅曼聯生涯當中表現最好球季，喺個人層面交出好表現，同時幫助球隊重返歐聯，完成季前目標。」
雖然錯失「最佳球員」獎項，但應屆英超冠軍阿仙奴，依然算是今次頒獎禮大贏家，共有5人入選「年度最佳陣容」，包括門將大衞拉耶、中堅威廉沙列巴、加比爾馬加希斯、右閘祖利安添巴及中場迪格蘭賴斯，此外，阿仙奴女足的奧莉維亞史密夫，亦當選「年度最佳女子年輕球員」。至於「年度最佳女子球員」（球員小姐），則落在曼城女足的賓妮梳爾手中。
奧萊利當選最佳年輕球員
曼城方面，中鋒艾寧夏蘭特、翼鋒安東尼施美安、中場卓基及左閘尼高奧萊利，共4人入選「年度最佳陣容」；尼高奧萊利更兼獲「年度最佳年輕球員」。至於「年度最佳陣容」最後一個名額，則落在賓福特射手、上屆英超神射手第2名伊戈泰亞高身上。
