《浪花男女》缺資金 導演掏百萬解危機
前期籌備妥當 投資者臨時甩底
由馮志強執導，魏浚笙、楊偲泳、朱鑑然主演的電影《浪花男女》明日（27日）正式上映。導演連同一眾主演日前接受谷德昭《爆谷一周》訪問，首度公開影片拍攝背後的驚險經歷。原來劇組拍攝期間遭投資者臨時甩底，馮志強無奈自掏百萬元填補資金缺口，而魏浚笙亦主動出力四處爭取贊助，合力挽救這部作品。
馮志強在節目中回憶，拍攝籌備階段所有準備工作已悉數完成，不僅成功申請政府資助，全體演員早已預留檔期、積極訓練，一眾幕後工作人員也推掉其他工作等候開工。「我記得嗰時係舊年4月，香港好似冇電影拍緊，我哋好似係唯一一部，我同監製講不如我哋計一計數，咁就頂埋佢囉。」
谷德昭隨即問︰「即係你依家攞出嚟都『球球聲』（百萬元）？」馮志強點頭︰「係呀！你冇辦法，你都係要頂，你都要再搵資金。有啲投資者就會話，『老老實實，依家個市投資就唔好喇，當借啦』，問我好唔好，咁起碼解決咗我哋一部分嘅問題先。」
感激魏浚笙搵贊助省開支
馮志強解釋隨後要再努力搵投資方，所以至今的宣傳，除了想增加觀眾入場，如果大家有興趣投資，即使電影已經上畫都可以洽談。另外，馮志強公開感謝魏浚笙的鼎力支持，透露對方當時推掉多個大製作合作機會，堅定選擇加盟這支小團隊。得知劇組財政陷入困境後，他更主動牽線聯繫贊助，戲中的滑浪板、專屬戲服等貴重道具，以及經典場景「觀浪吧」，都是他積極洽談爭取而來，為劇組節省了巨額開支，是電影順利拍攝完成的重要功臣。
